رۋسلان بەردەنوۆكە جاسالعان قاستاندىق ءىسى بويىنشا ايىپتاۋ اكتىسى وقىلدى

ە.ج.جيەمباي, شىمكەنت قالاسىنىڭ اۋماعىندا جەكە ادامعا قارسى اسا اۋىر دارەجەلى قىلمىستىق  قۇقىق بۇزۋشىلىقتى جاساۋعا وقتالعان.

ياعني, ە.جيەمباي 2025 جىلدىڭ ءساۋىر ايىنىڭ 21-كۇنى 13 ساعات 30 مينۋت شاماسىندا شىمكەنت قالاسى, رەسپۋبليكا داڭعىلىنىڭ №12 «ا» مەكەن-جايدا ورنالاسقان «تۇرعىن ءۇي شىمكەنت» جشس-ءنىڭ عيماراتىندا مەردىگەرلەردىڭ جينالىسىن وتكىزگەن.

سودان ە.ج.جيەمباي, شىمكەنت قالاسى اكىمدىگىنىڭ قۇرلىس نىساندارىنىڭ مونيتورينگ جۇرگىزۋ باسقارماسىنىڭ ءبولىم باسشىسى ا.م.كەنجەبەكوۆتەن ۇيالى تەلەفون ارقىلى شىمكەنت قالاسى اكىمىنىڭ ورىنباسارى ر.ا.بەردەنوۆتىڭ «تۇرعىن ءۇي شىمكەنت» جشس-ءنىڭ ديرەكتورى لاۋازىمىنان ءوز ەركىمەن ارىز جازىپ كەتسىن دەگەنى تۋرالى ايتقانىن ەستىپ, ادامدى ءولتiرۋ, ياعني ادامدى قۇقىققا قارسى قاساقانا قازاعا ۇشىراتۋ قىلمىستىق ويى پايدا بولعان.

سول ساتتە ە.ج.جيەمباي, جشس-ءنىڭ عيماراتتان شىعىپ, ا.ت.مولدابەكوۆتىڭ باسقارۋىنداعى «Volswagen Passat» ماركالى مەملەكەتتىك بەلگىسى 730AON17 ساندى اۆتوكولىك قۇرالىمەن شىمكەنت قالاسى, قاراتاۋ اۋدانى, نۇرسات م/ا, ن.نازارباەۆ داڭعىلى №17 «ا» ۇيىنە بارا جاتىپ, تەرگەۋ بارىسىندا انىقتالماعان دۇكەننەن 1 بوتەلكە سپيرتتىك ىشىمدىك ساتىپ العان.

سودان ە.ج.جيەمباي, ساتىپ العان سپيرتتىك ىشىمدىگىن ا.مولدابەكوۆتىڭ باسقارۋىنداعى كولىك قۇرالىنىڭ ىشىندە ءىشىپ, سوڭعىنىڭ باسقارۋىنداعى كولىك قۇرالىمەن شىمكەنت قالاسى, قاراتاۋ اۋدانى, نۇرسات م/ا, نازارباەۆ داڭعىلى, №17 «ا» ءۇيدىڭ جەرتولەسىنە (پاركينگ) كەلگەن.

وسى ساتتە ە.ج.جيەمباي, زاڭدى نەكەدەگى جۇبايى ل.ا.الدانوۆانىڭ اتىنا تىركەلگەن «Hyundai Tucson» ماركالى مەملەكەتتىك بەلگىسى 106 AML 17 ساندى اۆتوكولىكتى باسقارۋعا ا.ت.مولدابەكوۆكە بەرىپ, سوڭعىمەن بىرگە شىمكەنت قالاسىنىڭ اۋماعىندا جۇرگەن.

سودان ە.ج.جيەمباي, ادامدى ءولتiرۋ, ياعني ادامدى قۇقىققا قارسى قاساقانا قازاعا ۇشىراتۋ قىلمىستىق ويىن جۇزەگە اسىرۋ ماقساتىندا 2025 جىلدىڭ ءساۋىر ايىنىڭ 21-كۇنى 18 ساعات 00 مينۋت شاماسىندا شىمكەنت قالاسى, تۇران اۋدانى, سامال-1 م/ا, №387 ۇيىنە ب.و.مومىنوۆتى شاقىرعان.

وسىلايشا, ب.و.مومىنوۆ, ە.ج.جيەمبايدىڭ مەكەن-جايىنا «بمۆ 520» ماركالى مەملەكەتتىك بەلگىسى 825 احع 13 ساندى اۆتوكولىگىمەن كەلگەن.

ە.ج.جيەمباي ءوزىنىڭ جوسپارلاعان قىلمىستىق ويىن ب.و.مومىنوۆقا جاريا ەتپەي جانە ونىڭ كەدەرگى كەلتىرمەۋى ءۇشىن, ۇيىندە ساقتالعان 12 كاليبرلى, سەريالىق ءنومىرى 00404298, «سايگا-12» ماركاداعى اڭشىلىق قارۋدى اڭشىلىققا قولداناتىندىعىن ايتىپ, باسقارىپ كەلگەن «بمۆ 520» ماركالى مەملەكەتتىك بەلگىسى 825 احع 13 ساندى اۆتوكولىگىنىڭ جۇك سالعىشىنا سالىپ, شىمكەنت قالاسى, قاراتاۋ اۋدانى, نۇرسات مولتەك اۋدانىندا اعاسى جولىعىپ الاتىندىعىن جالعان ايتقان.

ە.ج.جيەمباي, ءوزىنىڭ جوسپارلاعان قىلمىستىق ويىن جۇزەگە اسىرۋ ماقساتىندا 2025 جىلدىڭ ءساۋىر ايىنىڭ 21-كۇنى 19 ساعات 15 مينۋت شاماسىندا شىمكەنت قالاسى, قاراتاۋ اۋدانى, نۇرسات م/ا, ن.نازارباەۆ داڭعىلى №160 مەكەن-جايدا ورنالاسقان «سەيتجان قاري ەسجان ۇلى» اتىنداعى مەشىتتىڭ تۇراعىنا كەلگەن.

سول مەزەتتە ە.ج.جيەمباي, ب.و.مومىنوۆتىڭ ۇيالى تەلەفونىنا قوڭىراۋ شالۋ ارقىلى شىمكەنت قالاسى, قاراتاۋ اۋدانى, نۇرسات م/ا, ن.نازارباەۆ داڭعىلى №160 مەكەن-جايدا ورنالاسقان «سەيتجان قاري ەسجان ۇلى» اتىنداعى مەشىتتىڭ تۇراعىنا شاقىرتىپ, سوڭعىنىڭ باسقارىپ كەلگەن كولىك قۇرالىنىڭ جۇك سالعىشىندا بولعان 12 كاليبرلى, سەريالىق ءنومىرى 00404298, «سايگا-12» ماركاداعى اڭشىلىق قارۋدى الىپ, ا.مولدابەكوۆتىڭ باسقارۋىنداعى «Hyundai Tucson» ماركالى مەملەكەتتىك بەلگىسى 106 AML 17 ساندى اۆتوكولىكتىڭ جۇك سالعىشىنا سالىپ, شىمكەنت قالاسى, قاراتاۋ اۋدانى, تۇران-2 م/ا, قوجابەرگەن جىراۋ كوشەسىنىڭ اياقتالعان جەرىندەگى جازىققا ا.مولدابەكوۆپەن بىرگە كەلگەن.

وندا ە.ج.جيەمباي, 12 كاليبرلى, سەريالىق ءنومىرى 00404298, «سايگا-12» ماركاداعى اڭشىلىق قارۋىمەن 9-دانا «SAFARI PROFESSIONAL 2/3,75 مم. 12/70 ستاندارت 32گ.» پاترونداردى اتىپ كورىپ, اڭشىلىق قارۋدىڭ اتۋعا جارامدى ەكەندىگىن كوزىن جەتكىزگەن.

ءسويتىپ ە.ج.جيەمباي, ادامدى ءولتiرۋ, ياعني ادامدى قۇقىققا قارسى قاساقانا قازاعا ۇشىراتۋ قىلمىستىق ويىن ءساتتى جۇزەگە اسىرۋ ءۇشىن ا.ت.مولدابەكوۆكە ءوزىنىڭ جوسپارلاعان قىلمىستىق ويىن جاريا ەتپەي سوڭعىعا «Hyundai Tucson» ماركالى مەملەكەتتىك بەلگىسى 106 AML 17 ساندى اۆتوكولىكتى باسقارتىپ, شىمكەنت قالاسى, قاراتاۋ اۋدانى, نۇرسات م/ا, نازارباەۆ داڭعىلى, №17 «ا» ءۇيدىڭ جەر تولەسىنە (پاركينگ) كەلگەن.

ءارى قاراي ە.ج.جيەمباي, جوسپارلاعان قىلمىستىق ويىن ءساتتى جۇزەگە اسىرۋعا ا.ت.مولدابەكوۆتىڭ كەدەرگى كەلتىرمەۋى ءۇشىن كولىك قۇرالىنان ءتۇسىرىپ, ە.ج.جيەمباي «Hyundai Tucson» ماركالى مەملەكەتتىك بەلگىسى 106 AML 17 ساندى اۆتوكولىكتى كولىك قۇرالىن 21.04.2025 جىلعى پسيحيكالىق بەلسەندى زات پايدالانۋ جانە ماس بولۋ فاكتىسىن انىقتاۋ ءۇشىن مەديتسينالىق كۋالاندىرۋدىڭ №11347 ساندى قورىتىندىسىنا سايكەس جەڭىل دارەجەلى الكوگولدىك ماساڭ كۇيدە باسقارىپ شىمكەنت قالاسى, تۇران اۋدانى, سامال-1 م/ا, №387 ۇيىنە قايتاتىن سىڭاي تانىتىپ, شىمكەنت قالاسى, قاراتاۋ اۋدانى, نۇرسات م/ا, ن.نازارباەۆ داڭعىلى №10 مەكەن-جايدا ورنالاسقان شىمكەنت قالاسى اكىمدىگىنىڭ عيماراتىنا باسقارىپ كەلگەن.

سودان ە.ج.جيەمباي, ر.ا.بەردەنوۆتى ولتىرۋگە باعىتتالعان ويىن سوڭىنا دەيىن جەتكىزۋ ءۇشىن شىمكەنت قالاسى, قاراتاۋ اۋدانى, نۇرسات م/ا, ن.نازارباەۆ داڭعىلى №10 مەكەن-جايدا ورنالاسقان شىمكەنت قالاسى اكىمدىگىنىڭ «ۆ» كورپۋس عيماراتىنىڭ الدىنداعى اۆتوتۇراقتا, سوڭعىنىڭ اكىمشىلىك عيماراتىنان شىققانىن كۇتىپ وتىرعان.

وسىلايشا ە.ج.جيەمباي, 2025 جىلدىڭ ءساۋىر ايىنىڭ 21-كۇنى 20 ساعات 55 مينۋت شاماسىندا ر.ا.بەردەنوۆتىڭ شىمكەنت قالاسى اكىمدىگىنىڭ «ۆ» كورپۋس عيماراتىنان شىققانىن كورىپ, سوڭعىعا قاراي 12 كاليبرلى, سەريالىق ءنومىرى 00404298, «سايگا-12» ماركاداعى اڭشىلىق قارۋىمەن جۇگىرىپ كەلە جاتىپ, قولىنداعى اڭشىلىق قارۋىن وقتاپ, «KIA K8» ماركالى مەملەكەتتىك بەلگىسى 514 AJ 17 ساندى قىزمەتتىك اۆتوكولىكتى اينالىپ قاشىپ جۇرگەن ر.ا.بەردەنوۆتى قاساقانا ءولتىرۋ ماقساتىندا 5 رەت «SAFARI PROFESSIONAL 2/3,75 مم. 12/70 ستاندارت 32گ.» پاترونداردى اتىپ, 12.06.2025 جىلعى №4430/123-كومپ ساندى كەشەندى سوت-مەديتسينالىق جانە سوت-مەديكو-كريميناليستيكالىق ساراپتاما قورىتىندىسىنا سايكەس «وڭ كەۋدە تورىنا ەنىپ وڭ وكپەنىڭ تومەنگى بولىگىن, قابىرعا ارالىق ارتەريالارىن, ديافراگمانى كوپتەگەن جاراقاتتاۋمەن بىتىرالارى وققارۋ جاراقاتى; وڭ جاق كەۋدە قۋىسىنا قان مەن اۋانىڭ جينالۋى (گەموپنەۆموتوراكس); ءىش قۋىسىنا ەنىپ باۋىردىڭ VI, VII جانە ءVIIى سەگمەنتتەرىنىڭ كوپتەگەن جاراقاتتاۋىمەن بىتىرالارى وققارۋ جاراقاتى; ىشكى قان كەتۋ; وڭ بۇيرەگىنىڭ كوپتەگەن بىتىرالارى وققارۋ جاراقاتتارى; وڭ يىعىنىڭ جانە بىلەگىنىڭ كوپتەگەن بىتىرالارى وققارۋ جاراقاتتارى; سىرتقا قان كەتۋ; پلەۆروپۋلمونالدى جانە گەموراگگيالىق شوك», دەنساۋلىققا اۋىر دارەجەلى دەنە جاراقاتىن سالعان.

ءارى قاراي ە.ج.جيەمباي, جاراقاتتانعان ر.ا.بەردەنوۆتىڭ جەردە قۇلاپ جاتقانىن كورىپ, قاسىنا جۇگىرىپ بارىپ, قولىندا بولعان 12 كاليبرلى سەريالىق ءنومىرى 00404298 «سايگا-12» ماركالى اڭشىلىق قارۋىمەن باقىلاۋلى (كونترولنىي) وق اتۋعا ءىس-ارەكەت جاساعان, الايدا وق دارىلەردىڭ تاۋسىلۋىنا بايلانىستى باقىلاۋلى (كونترولنىي) وق اتۋعا مۇمكىندىگى بولماعان.

سودان ر.ا.بەردەنوۆ ورنىنان تۇرىپ, ە.ج.جيەمبايمەن الىسىپ جاتقان كەزدە ونىڭ قارسىلاسۋىنا بايلانىستى سوڭعىنىڭ قولىنداعى قارۋى جەرگە تۇسكەن ساتتە م.ن.كالىمبەتوۆ «كىا ك8» ماركالى 514 AJ 17 ساندى قىزمەتتىك كولىك قۇرالىمەن سوعىپ, ر.ا.بەردەنوۆتى ءولتiرۋ, ياعني ادامدى قۇقىققا قارسى قاساقانا قازاعا ۇشىراتۋ قىلمىستىق ءىس-ارەكەتىن توقتاتقان.      

وسىلايشا ە.ج.جيەمباي, ر.ا.بەردەنوۆتى ءولتiرۋ, ياعني ادامدى قۇقىققا قارسى قاساقانا قازاعا ۇشىراتۋ قىلمىستىق ءىس-ارەكەتىن وزىنە بايلانىستى ەمەس ءمان-جايلارمەن اقىرىنا دەيiن جەتكىزە الماعان.

سونىمەن, جيەمباي ەرنار جيەمباي ۇلى ادامدى ءولتiرۋ, ياعني ادامدى قۇقىققا قارسى قاساقانا قازاعا ۇشىراتۋ قىلمىستىق ويىن وزىنە بايلانىستى ەمەس ءمان-جايلارمەن اقىرىنا دەيiن جەتكىزە الماي, ءوزىنىڭ وسى ءىس-ارەكەتىمەن قازاقستان رەسپۋبليكاسى قك-ءنىڭ 24-بابىنىڭ 3-بولىگى جانە 99-بابىنىڭ 1-بولىگىندە كورسەتىلگەن قىلمىستىق قۇقىق بۇزۋشىلىقتى جاساۋعا وقتالعان.