ەلىمىزدەگى كەي بازارلار 2026 جىلعا دەيىن جابىلىپ قالۋى مۇمكىن. بۇل تۋرالى ساۋدا جانە ينتەگراتسيا ءمينيسترى ارمان شاققاليەۆ ۇكىمەتتەگى ءباسپاسوز جيىنىندا ايتتى, دەپ حابارلايدى Egemen.kz.
ونىڭ سوزىنشە, قازىرگى بازارلاردىڭ ءبىرازى بەي-بەرەكەت جۇمىس ىستەپ جاتىر. بۇل كولەڭكەلى ەكونوميكانىڭ دامۋىنا جول اشۋى مۇمكىن. سوندىقتان مەملەكەت بازارلاردى رەتكە كەلتىرۋدى قولعا العان.
«بازارلاردى جاڭعىرتۋعا ارنالعان باعدارلاما قابىلداندى. ارناۋلى جول كارتاسى بار – قانداي بازارلار قامتىلاتىنى, ولارمەن نە ىستەۋ كەرەك, ءبارى كورسەتىلگەن. ەگەر 2026 جىلعا دەيىن سول بازارلار جاڭعىرتىلماسا, ولار جۇمىسىن توقتاتادى», دەدى مينيستر.
ياعني, ەگەر بازار يەلەرى تالاپتارعا ساي جاعداي جاساماسا, ينفراقۇرىلىمدى جاقسارتپاسا, زاڭعا ساي قىزمەت ەتپەسە وندا ولاردى جابۋ قاراستىرىلادى.