ۇكىمەت وتىرىسىندا «BTS Digital» كومپانياسى ديرەكتورىنىڭ مىندەتىن اتقارۋشى ەرجىگىت بالقىبەكوۆ اتاۋلى الەۋمەتتىك كومەك (ااك) الۋشىلارعا تسيفرلىق ازىق-ت ۇلىك ۆاۋچەرلەرىن ۇسىنۋ بويىنشا پيلوتتىق جوبانى تانىستىردى. ازاماتتاردىڭ وسال ساناتتارىن اتاۋلى قولداۋعا باعىتتالعان جوبا – الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن ىرىقتاندىرۋ شەڭبەرىندە ىسكە اسىرىلىپ جاتىر, دەپ حابارلايدى Egemen.kz.
ەرجىگىت بالقىبەكوۆتىڭ ايتۋىنشا, ۇسىنىلىپ وتىرعان تەتىكتىڭ نەگىزگى قاعيداتى – اينالىم قاراجاتىن 0,01%-بەن تولىقتىرۋ ءۇشىن كاسىپكەرلىك سۋبەكتىلەرگە قايتارىمدى كرەديتتەر بەرۋ. ونىڭ ورنىنا ساۋدا جەلىلەرى تاۋارلاردى نارىقتىق باعادان تومەن بالامالى باعامەن تەك ااك الۋشىلار ءۇشىن بوساتۋعا مىندەتتەنەدى.
پيلوتتىق ىسكە قوسۋ اقكول قالاسىندا ءوتتى. قىركۇيەك ايىنىڭ سوڭىنا دەيىن وسىنداي جۇيە كوكشەتاۋ مەن پاۆلوداردا ىسكە قوسىلادى. جوبا ءساتتى بولعان جاعدايدا ااك الۋشىلار سانى 245 مىڭ ادامنان اساتىن بۇكىل ەل بويىنشا كەڭەيتىلەتىن بولادى.
جوبا «eGov Mobile» ەلەكتروندىق ۇكىمەت پورتالى اياسىندا ىسكە قوسىلعان جەكە سەرۆيس – «الەۋمەتتىك ءاميان» اقپاراتتىق جۇيەسى ارقىلى جۇزەگە اسىرىلىپ جاتىر. پيلوتتىق جوبا اياسىندا ۆاۋچەر سوماسىن انىقتاۋدا ءبىر ايلىق ەسەپتىك كورسەتكىش (اەك – 3 932 تەڭگە) ءاربىر وتباسى مۇشەسىنە قولدانىلادى. مىسالى, ەگەر ااك الۋشى وتباسىندا 4 ادام بولسا, ۆاۋچەر سوماسى شامامەن 16 مىڭ تەڭگە بولادى. بۇل سوما جەڭىلدىك كورسەتكىشى رەتىندە پايدالانىلادى – تىكەلەي اقشالاي كومەك ەمەس, تەك جەڭىلدىك الۋ ءۇشىن جارامدى.
ۇكىمەتتىڭ ءباسپاسوز قىزمەتىنىڭ حابارلاۋىنشا الۋشىلاردىڭ ءتىزىمى «وتباسىنىڭ تسيفرلىق كارتاسى» جۇيەسى ارقىلى قالىپتاستىرىلادى جانە «الەۋمەتتىك اميانعا» بەرىلەدى. ااك الۋشىلار دۇكەننىڭ كاسساسىندا QR – كودتى ۇسىنادى, وندا ولارعا الەۋمەتتىك ماڭىزى بار-نان, جارما, كوكونىس, ەت جانە ءسۇت ونىمدەرىنىڭ تىزبەسىنەن تاۋارلارعا جەڭىلدىك بەرىلەدى. نارىقتىق جانە جەڭىلدىكتى باعا اراسىنداعى ايىرماشىلىق ۆاۋچەردەن الىنادى, ال قالعان سومانى ساتىپ الۋشى تولەيدى.
جوبا تۇراقتاندىرۋ قورى ەسەبىنەن قارجىلاندىرىلادى. 35 ملرد تەڭگە ساۋدا جەلىلەرىن جەڭىلدىكپەن كرەديتتەۋگە, ال 65 ملرد تەڭگە – وتاندىق فەرمەرلەر مەن وندىرۋشىلەردەن ءونىمدى فورۆاردتىق ساتىپ الۋعا باعىتتالادى دەپ جوسپارلانىپ وتىر. ااك الۋشىلار ءۇشىن جەڭىلدىكتىڭ جالپى مولشەرى ساۋدا ۇستەمەسىنەن باس تارتۋ جانە تومەندەتىلگەن باعامەن ساتىپ الۋ ەسەبىنەن 25%-عا جەتۋى مۇمكىن.