وبلىس اكىمىنىڭ تاپسىرماسىمەن قىزىلوردا وبلىسىنداعى قالالار مەن ەلدى مەكەندەردىڭ اۋماقتارىن اباتتاندىرۋ, جەر جانە قۇرىلىس سالاسىنداعى كەيبىر ماسەلەلەردى رەتتەۋ ءۇشىن ارنايى جۇمىسشى توپ قۇرىلدى. توپ وسى كۇنى وبلىس اۋماعىندا قۇرىلىسى ءجۇرىپ جاتقان 555 كاسىپكەرلىك نىسانعا قاتىستى قۇجاتتاردى قاراۋ ۇستىندە, دەپ حابارلايدى Egemen.kz.
وبلىستىق مەملەكەتتىك ساۋلەت-قۇرىلىس باقىلاۋى باسقارماسى باسشىسىنىڭ ورىنباسارى ءمادي ءالىپتىڭ ايتۋىنشا بۇگىندە 175 نىسان زاڭداستىرىلىپ, 81 نىساننىڭ زاڭسىز سالىنعانى انىقتالعان. ولاردىڭ يەلەرىنە 214 حاتتاما تولتىرىلىپ, 86 579 960 تەڭگە ايىپپۇل سالىنىپتى.
«قىزىلوردا قالاسىندا 4 كاسىپكەرلىك نىسان بۇزىلدى, قازىر كبي مولتەك اۋدانىندا پاتەردىڭ زاڭسىز سالىنعان قوسىمشا قۇرىلىسىن بۇزدىرۋعا سوت شەشىمى شىقتى», دەيدى باسقارما باسشىسىنىڭ ورىنباسارى.