وقيعا ورنىندا ءبىر كولىكتىڭ جۇرگىزۋشىسى مەن ەكى جولاۋشىسى قازا تاپتى, دەپ حابارلايدى Egemen.kz.
اقمولا وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە, 3 تامىز كۇنى ساعات 243-ءشى شاقىرىمدا «استانا — پەتروپاۆل» اۆتوجولىندا «Hyundai Elantra» جانە «ۆاز-2107» اۆتوكولىكتەرى سوقتىعىسقان.
— «ۆاز-2107» اۆتوكولىگىنىڭ جۇرگىزۋشىسى مەن ەكى جولاۋشىسى العان جاراقاتتارىنان وقيعا ورنىندا كوز جۇمدى. ال «Hyundai Elantra» كولىگىنىڭ جۇرگىزۋشىسى مەن ءتورت جولاۋشىسى ءتۇرلى دەنە جاراقاتتارىمەن مەديتسينالىق مەكەمەگە جەتكىزىلدى, — دەدى جەرگىلىكتى پوليتسيا قىزمەتى باسقارما باستىعىنىڭ ورىنباسارى ۋاليحان جۇنىسبەكوۆ.
قازىرگى تاڭدا ءوڭىر پوليتسەيلەرى سوتقا دەيىنگى تەرگەپ-تەكسەرۋ جۇمىستارىن باستادى. قۇقىقتىق شەشىم تەرگەۋ ناتيجەسى بويىنشا قابىلدانادى.