4-9 تامىز ارالىعىندا الماتىدا تەننيستەن «Roland Garros Juniors» ءتۋرنيرىنىڭ جالاۋى جەلبىرەيدى, دەپ حابارلايدى Egemen.kz.
اتالعان جارىستا ورتالىق جانە باتىس ازيا ايماعى بويىنشا 17 جاسقا دەيىنگى ەڭ ۇزدىك 16 ويىنشى باق سىنايدى. سولاردىڭ اراسىنان ءبىرىنشى ورىن العان ورەندەر كەلەسى جىلى فرانتسيانىڭ استاناسى - پاريجدە جاستار اراسىندا وتەتىن «رولان گارروس» دوداسىنا جولداما الادى.
الماتىداعى دودادا قازاقستاننىڭ تۋى استىندا روديون ترايگەل, مانسۇر سايىنوۆ, راتمير پۋلكەۆيچ, اڭسار نيەتقاليەۆ, دانيەل يۋرەكلي, ەركەجان جاڭاتاەۆا, ءاديا وماربەك, ليايسان نۇرىشەۆا, كارولينا ليگاي جانە سوفيا مالىشەۆا سىندى تەننيسشىلەر ونەر كورسەتەدى.