قازاقستان رەسپۋبليكاسى پرەزيدەنت جانىنداعى ورتالىق كوممۋنيكاتسيالار قىزمەتىنىڭ قۇرىلىمىندا جالعان اقپاراتقا قارسى كۇرەس جونىندەگى ورتالىق قىزمەتىن باستايدى, دەپ جازادى Egemen.kz.
ورتالىق جالعان اقپاراتتى انىقتاۋ جانە ونى جوققا شىعارۋ, ازاماتتاردى ماڭىزدى تاقىرىپتار بويىنشا وبەكتيۆتى, تەكسەرىلگەن دەرەكتەرمەن قامتاماسىز ەتۋ, اقپاراتتى جاۋاپكەرشىلىكپەن تۇتىنۋ مادەنيەتىن دامىتۋ مىندەتتەرىن اتقارادى.
جالعان اقپارات تارالعاندا فاكتىلەردى قاساقانا بۇرمالاۋ جاعدايلارى ءجيى بولىپ جاتادى. سوندىقتان بۇل باعىتتاعى جۇمىس مەملەكەتتىك ورگاندار, ساراپشىلار قاۋىمداستىعى, جۋرناليستەر جانە ازاماتتارمەن ىنتىماقتاستىقتا جۇرگىزىلەدى.
ورتالىق فەيكتەرگە تۇراقتى شولۋلار, مانيپۋلياتسيا جاساۋ كەيستەرىن جاريالايدى, سونداي-اق رەزونانستىق اقپاراتتىق تاقىرىپتار بويىنشا ساراپتامالىق تۇسىنىكتەمەلەر بەرەدى. ورتالىقتى ىسكە قوسۋ كۇردەلى اقپاراتتىق پروتسەستەردى الەۋمەتتىك جەلىلەردەگى رەسمي رەسۋرستارعا قاراپايىم جانە كورنەكى تۇسىندىرۋگە باعىتتالعان اقپارات ورنالاستىرۋمەن قاتار جۇرەدى.
ءبىرىنشى شىعارىلىمدا سوڭعى كەزدەرى ەلىمىزدىڭ اقپاراتتىق كەڭىستىگىندە پايدا بولىپ جاتقان جالعان مالىمەتتەردى زەردەلەنگەن.