بۇل تۋرالى پرەمەر-ءمينيستردىڭ ءبىرىنشى ورىنباسارى رومان سكليار ۇكىمەتتە وتكەن ءباسپاسوز كونفەرەنتسياسىندا مالىمدەدى, دەپ جازادى Egemen.kz.
قازىر ەلىمىزدە «دوستىق – مويىنتى» جانە «الماتى قالاسىنىڭ اينالما جولى» جوبالارى اياقتالۋ ساتىسىندا. كەلەسى جىلى «مويىنتى – قىزىلجار», «داربازا – ماقتاارال» جوبالارى اياقتالادى. ال 2027 جىلى «باقتى – اياگوز» جوباسى ىسكە قوسىلادى.
سوندىقتان جولاۋشى تاسىمالداۋ سالاسىن جاڭا ۆاگوندارمەن تولىقتىرۋ جوسپارلانعان.
«جىل سوڭىنا دەيىن 175 جاڭا جولاۋشىلار ۆاگونىن ساتىپ الۋ جوسپارلانىپ وتىر. اۋە حابتارىن دامىتۋ جانە اۋە جۇكتەرىنىڭ كولەمىن ارتتىرۋ ماقساتىندا اۋەجاي ينفراقۇرىلىمى جاڭعىرتىلۋدا, كەدەندىك راسىمدەر جەڭىلدەتىلۋدە, تسيفرلىق شەشىمدەر ەنگىزىلۋدە. زايسان, كاتونقاراعاي جانە كەندىرلى كۋرورتتىق ايماقتارىندا اۋەجاي قۇرىلىسى باستالدى. اۆتوكولىك جولدارى سالاسىندا 12 مىڭ شاقىرىم جول قۇرىلىس جانە جوندەۋ جۇمىستارىمەن قامتىلعان, ونىڭ 7 مىڭ شاقىرىمىن وسى جىلدىڭ سوڭىنا دەيىن اياقتاۋ جوسپارلانعان», دەدى ر.سكليار.