2025–2026 وقۋ جىلى قارساڭىندا ەلىمىزدە «جالپىعا بىردەي ءبىلىم بەرۋ» قورى اياسىندا وقۋشىلاردى مەكتەپكە دايىنداۋ جۇمىستارى جۇرگىزىلىپ جاتىر. وقۋ-اعارتۋ مينيسترلىگىنىڭ مالىمەتىنشە, بيىل 500 مىڭنان استام بالاعا ماتەريالدىق قولداۋ كورسەتىلەدى, دەپ جازادى Egemen.kz.
قور ءداستۇرلى تۇردە جەتىم, اتا-انا قامقورلىعىنسىز قالعان بالالارعا, از قامتىلعان جانە اتاۋلى الەۋمەتتىك كومەك الاتىن وتباسى بالالارىنا كومەك بەرىپ كەلەدى.
سونىمەن قاتار, ومىرلىك قيىن جاعدايعا تاپ بولعان بالالار دا نازاردان تىس قالمايدى.
كومەك اتا-انالاردىڭ ەسەپشوتتارىنا اۋدارىلادى. بۇل ولارعا مەكتەپ فورماسىن, اياق كيىم جانە كەڭسە تاۋارلارىن وزدەرى تاڭداۋعا مۇمكىندىك بەرەدى. 2025 جىلى ءبىر بالاعا بەرىلەتىن ەڭ تومەنگى سوما كولەمى – 46 228 تەڭگە كولەمىندە بولادى.
«وقۋ-اعارتۋ مينيسترلىگى الەۋمەتتىك وسال ساناتتاعى بالالارعا كومەك كورسەتۋ بويىنشا اشىق ءارى ىڭعايلى تەتىك قالىپتاستىردى. بۇل قولداۋ شاراسى بۇگىندە بارلىق وڭىردە ىسكە اسىرىلۋدا», دەدى قر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتورايىمى ناسىمجان وسپانوۆا.