مۇناي قايتا قىمباتتاپ جاتىر

دۇيسەنبى كۇنى تاڭەرتەڭ لوندون بيرجاسىندا قىركۇيەك ايىنا ارنالعان Brent فيۋچەرستەرى 0,52 دوللارعا (0,76%) قىمباتتاپ, باررەلىنە 68,96 دوللارعا جەتكەن. ال جۇما كۇنى بۇل باعا 0,74 دوللارعا ءتۇسىپ, 68,44 دوللار بولعان ەدى.

سول سياقتى, WTI ماركالى مۇنايدىڭ دا باعاسى كوتەرىلە باستادى. نيۋ-يورك بيرجاسىندا (NYMEX) قىركۇيەك ايىنا ارنالعان WTI فيۋچەرستەرى 0,46 دوللارعا (0,71%) ءوسىپ, 65,62 دوللار بولدى. بۇعان دەيىن ول 0,87 دوللارعا (-1,3%) ارزانداپ, 65,16 دوللار دەڭگەيىندە توقتاعان.

سايىپ كەلگەندە, وتكەن اپتاداعى قۇلدىراۋدان سوڭ مۇناي باعاسى قايتا قالپىنا كەلە باستادى.

Brent جانە WTI باعاسىنىڭ كوتەرىلۋى قازاقستان ەكونوميكاسىنا وڭ اسەرىن تيگىزۋى مۇمكىن. اسىرەسە ۇلتتىق قور مەن رەسپۋبليكالىق بيۋدجەتتىڭ كىرىس بولىگى مۇناي باعاسىنا تاۋەلدى ەكەنىن ەسكەرسەك, بۇل جاڭالىق ۇمىتكە سەبەپ بولىپ وتىر.