دەربەس دەرەكتەردى قورعاۋعا جانە قارجى قىزمەتى سالاسىنداعى قاۋىپسىزدىكتى ارتتىرۋ باعىتىندا قر قىلمىستىق زاڭناماسىنا ماڭىزدى وزگەرىس ەنگىزىلدى, دەپ جازادى Egemen.kz.
كەيىنگى جىلدارى الاياقتار بەرىلگەن دەرەكتەردى قىلمىستىق كىرىستەردى قولما-قول اقشاعا اينالدىرۋ نەمەسە باسقا ازاماتتاردى الداۋ ءۇشىن پايدالانىپ ءجۇر. ال زارداپ شەككەندەر كوپ جاعدايدا قىلمىسقا قاتىسۋشى ەكەنىن تۇسىنبەي جاتادى.«قىلمىستىق كودەكستىڭ جاڭا 232-1 بابىندا ءوزىنىڭ بانكتىك دەرەكتەمەلەرىن ءۇشىنشى تۇلعالارعا بەرگەنى ءۇشىن, سونداي-اق ماتەريالدىق سىياقى نەمەسە م ۇلىكتىك سيپاتتاعى پايدا ءۇشىن نەمەسە ولاردى الۋ ماقساتىندا ءۇشىنشى تۇلعانىڭ مۇددەسى ءۇشىن يا بولماسا پايدانى كوزدەپ, تولەمدەر نەمەسە اقشا اۋدارىمدارىن جۇزەگە اسىرعانى ءۇشىن قىلمىستىق جاۋاپتىلىق ەنگىزىلدى», دەلىنگەن ىشكى ىستەر مينيسترلىگىنىڭ حابارلاماسىندا.
سوندىقتان ۆەدومستۆو ەشقاشان بانكتىك دەرەكتەردى ءۇشىنشى تۇلعالارعا بەرمەۋگە, كارتاڭىزدى نەمەسە شوتىڭىزدى بەرۋ ارقىلى «وڭاي اقشا تابۋعا» كەلىسپەۋگە, كۇدىك تۋىنداعان جاعدايدا بانككە نەمەسە قۇقىق قورعاۋ ورگاندارىنا حابارلاسۋعا شاقىرادى.