اتىراۋ وبلىسىنىڭ پروكۋراتۋراسى NCOC كومپانياسىنىڭ ەكولوگيا زاڭناماسىن بۇزىپ, شيكى گازدى شامادان ەكولوگيالىق رۇقساتسىز جاعۋ دەرەگىن انىقتادى, دەپ حابارلايدى Egemen.kz.
«پروكۋراتۋرانىڭ اكتىسىمەن جەر قويناۋىن پايدالانۋشى اكىمشىلىك قۇقىق بۇزۋشىلىق تۋرالى كودەكسىنىڭ 356-بابىمەن (جەر قويناۋىن پايدالانۋ وپەراتسيالارىن جۇرگىزۋ قاعيدالارىن بۇزۋ) اكىمشىلىك جاۋاپكەرشىلىككە تارتىلىپ, 3,6 ملرد تەڭگە ەكولوگيالىق زالال بيۋدجەتكە تولىق ءوندىرىلدى.
كومپانيالاردىڭ جاۋاپتى لاۋازىمدى تۇلعالارىنىڭ نازارىن قورشاعان ورتانى لاستاۋعا جول بەرمەۋ ەكولوگيالىق نورمالاردى قامتاماسىز ەتۋ مىندەتى جۇكتەلگەن تۇلعالاردىڭ جاۋاپكەرشىلىگىن ارتتىرۋ قاجەتتىگىنە اۋدارامىز», دەپ حابارلادى وبلىستىق پروكۋراتۋرا.
ەكولوگيانى قورعاۋ ماسەلەسى اتىراۋ وبلىسى پروكۋراتۋراسىنىڭ ەرەكشە باقىلاۋىنا الىنىپ وتىر.