اسا ءىرى مولشەردە الاياقتىق جانە قىلمىستىق جولمەن الىنعان كىرىستەردى زاڭداستىرۋ فاكتىسى بويىنشا ايىپتالعان پەريزات قايرات پەن ونىڭ اناسى عايني الاشباەۆاعا قاتىستى سوت اياقتالدى. ءىس بويىنشا پروكۋراتۋرا پىكىر ءبىلدىردى, دەپ حابارلايدى Egemen.kz.
ەستەرىڭىزگە سالا كەتەيىك, سوتتالۋشى پەريزات قايراتتىڭ ءوتىنىشى بويىنشا سوت ونىڭ ايعاقتارى مەن جەكە دەرەكتەرىن جاريا ەتپەۋ ماقساتىندا سوت وتىرىسىن ءىشىنارا جابۋ تۋرالى شەشىم قابىلدادى.
پروكۋراتۋرا قايراتقا – 10 جىل, الاشباەۆاعا – 8 جىل باس بوستاندىعىنان ايىرۋ جازاسىن تاعايىنداۋدى, سونداي-اق ولاردىڭ م ۇلىكتەرىن تاركىلەۋدى سۇرادى.
سوتتا انىقتالعان دەرەكتەرگە سايكەس, 2021 جىلدىڭ قازانىنان 2024 جىلدىڭ قاراشاسىنا دەيىن قايرات پەن الاشباەۆا «Biz Birgemiz Qazaqstan 2030» قايىرىمدىلىق قورى ارقىلى مۇقتاج جاندارعا ارنالعان بىرنەشە باعىت بويىنشا قاراجات جيناعان. اتاپ ايتقاندا:
بالالارعا ارنالعان وڭالتۋ ورتالىعىن سالۋعا – 126,7 ملن تەڭگە; پالەستينا حالقىنا گۋمانيتارلىق كومەك كورسەتۋگە – 566,5 ملن تەڭگە; قازاقستانداعى سۋ تاسقىنى زارداپتارىن جويۋعا – 2,8 ملرد تەڭگە.«جينالعان قاراجاتتىڭ جالپى سوماسى 3,5 ملرد تەڭگە قۇراعان. اتالعان قاراجات مۇقتاج جاندارعا ارنالدى, الايدا قايرات پەن الاشباەۆا ۇرلانعان اقشالاي قاراجاتتى قولدانىستاعى بيزنەستى ساتىپ الۋ جانە سۋ تاسقىنىنان زارداپ شەككەندەرگە تاۋارلاردى جەتكىزۋگە جالعان مامىلەلەر جاساۋ جولىمەن زاڭداستىردى. زاڭداستىرىلعان اقشاعا ەليتالىق جىلجىمايتىن م ۇلىك, قىمبات كولىكتەر, ءساندى زاتتار ساتىپ الىنعان», دەلىنگەن مالىمدەمەدە.
سونىمەن قاتار قايرات پەريزات الەۋمەتتىك جەلىلەردە ءوزىن تابىستى كاسىپكەر رەتىندە كورسەتىپ, ءباا-گە ەت ونىمدەرىن ەكسپورتتايتىن وتباسىلىق بيزنەسى بار ەكەنىن, شەتەلدە جوعارى ءبىلىم العانىن حابارلاعان. بىراق ءىس ماتەريالدارىنا سايكەس, ونىڭ جوعارى ءبىلىمى جوق جانە كوللەدجدەن شىعارىلعانى انىقتالعان.
عايني الاشباەۆا بۇل قىلمىستىق سحەماعا بەلسەندى قاتىسىپ, قىزىنا بانكتىك شوتتارىن بەرگەن جانە قايىرىمدىلىق جاساعان ازاماتتاردى اداستىرۋدا كومەكتەسكەن.
ءىس بويىنشا جابىرلەنۋشى رەتىندە 51 ادام تانىلعان. پروكۋراتۋرا ولاردىڭ اتىنان 1,5 ملرد تەڭگەگە تالاپ ارىز بەرىپ, ونى تولىق كولەمدە قاناعاتتاندىرۋدى سۇراعان.
«بۇل قىلمىستىق ءىس ازاماتتاردىڭ سەنىمىنە قيانات جاساۋ اۋقىمى بويىنشا ەلدەگى ەڭ ءىرى ىستەردىڭ بىرىنە اينالدى جانە قايىرىمدىلىقتى زاڭسىز ارەكەتتەرگە بۇركەمەلەۋ رەتىندە پايدالاناتىنداردىڭ بارلىعىنا قاتاڭ ەسكەرتۋ بولۋى كەرەك», دەلىنگەن مالىمدەمەدە.