كاسىپتىك ءبىلىم الىپ, ەڭبەك نارىعىنا ەرتە ارالاسقان جاستاردىڭ سانى ارتىپ كەلەدى. سولاردىڭ ءبىرى – استاناداعى كاسىپتىك تەحنيكالىق كوللەدجدىڭ بيىلعى تۇلەگى كيريلل ساۆەلەۆ قالاداعى بەلگىلى اسحانالاردىڭ بىرىندە شەف-كونديتەر بولىپ جۇمىس ىستەيدى, دەپ جازادى Egemen.kz.
جۋىردا عانا ديپلوم العان 18 جاسار جىگىتتىڭ قازىردىڭ وزىندە تۇتىنۋشىلارى كوپ. ول ءارتۇرلى زاماناۋي دەسەرتتەردى, كونديتەرلىك ونىمدەردى ءوز قولىمەن دايىنداپ, ەرەكشە دامىمەن دارالانىپ ءجۇر. ونىڭ وسى سالاعا دەگەن قىزىعۋشىلىعى بالا كۇنىنەن باستاۋ الىپتى. 16 جاسىنان باستاپ ەڭبەككە ارالاسقان ول قازاق ءتىلىن جەتىك مەڭگەرگەن.
جاس ماماننىڭ جەتىستىگىنە ەرەكشە قۋانىپ جۇرگەن جانداردىڭ ءبىرى – كوللەدجدەگى العاشقى كۋراتورى. قازىر سول ۇستازىمەن بىرگە ءبىر مەكەمەدە ەڭبەك ەتىپ جۇرگەن ك.ساۆەلەۆ ەندى جوعارى وقۋ ورنىنا ءتۇسىپ, كاسىبي دەڭگەيىن ودان ءارى دامىتۋدى كوزدەپ وتىر.
شەتەلگە شىعىپ, الەمدىك دەڭگەيدەگى كونديتەرلىك مەكتەپتەردە تاجىريبە الماسۋدى ماقسات ەتكەن ول – قازاق جاستارىنىڭ ءبىلىم مەن كاسىپتى قاتار يگەرىپ, ەڭبەك نارىعىنا ەركىن بەيىمدەلە الاتىنىن دالەلدەگەن جاس مامان.
«جاس مامان رەتىندە ءوز ىسىنە ادال, شەبەرلىگى جىلدان-جىلعا ارتىپ كەلەدى. ءبىز ءۇشىن كيريلل – ۇلگىلى تۇلەك», دەيدى كوللەدج ۇستازدارى.