ەكىنشى دۇنيەجۇزىلىك سوعىس كەزىندە يران جەرىندە جۇرگەن پولياك ساربازدارى كىشكەنتاي قونجىق تاۋىپ الىپتى. ولار ونى اسىراپ, ۆويتەك دەپ اتاعان ەكەن.
اقىلدى ايۋ ساربازدارعا باۋىر باسىپ, جاۋىنگەرلەردىڭ ناعىز دوسىنا اينالادى. ءتىپتى ۋاقىت وتە كەلە ۆويتەك اسكەر قاتارىنا رەسمي تۇردە قابىلدانىپ, 22-ارتيللەريالىق جابدىقتاۋ روتاسىنىڭ قۇرامىنا قوسىلادى. ول از دەسەڭىز, ۆويتەك جاۋىنگەرلەرمەن بىرگە يتالياعا دەيىن جەتىپ, ايگىلى مونتە-كاسسينو شايقاسىنا قاتىسادى. سول جەردە ول وق-ءدارى سالىنعان جاشىكتەردى ءتۇسىرىپ, سناريادتاردى زەڭبىرەكتەرگە جەتكىزىپ وتىرعان. بۇل كورىنىس كەيىن 22-روتانىڭ جاڭا ەمبلەماسىندا كورىنىس تابادى.