2025 جىلعى 12 شىلدەدە الماتى قالاسى جاستار ساياساتى باسقارماسىنىڭ قولداۋىمەن «Human Resources Kazakhstan» جەكە مەكەمەسى جەتىسۋ اۋدانىنىڭ دەمالىس ورتالىقتارىندا تاربيەلەنىپ جۇرگەن بالالار ءۇشىن كولساي كولىنە تانىمدىق ەكسكۋرسيا ۇيىمداستىردى, دەپ حابارلايدى Egemen.kz.
ءىس-شاراعا 50 بالا مەن ولاردىڭ جەتەكشىلەرى قاتىستى. ساياحات بارىسىندا بالالار تابيعات اياسىندا سەرۋەندەپ, كولساي ءوڭىرىنىڭ كوركەم كورىنىستەرىمەن, تاۋ مەن ورمان اراسىنداعى ەرەكشە ەكوجۇيەمەن تانىستى. سونىمەن قاتار, ۇيىمداستىرۋشىلار تاراپىنان بالالارعا تۇسكى اس پەن جەڭىل تاعامدار ۇسىنىلىپ, قاۋىپسىز ءارى قىزىقتى دەمالىس ۇيىمداستىرىلدى.
اتالعان ەكسكۋرسيا بالالاردىڭ تابيعاتقا دەگەن قىزىعۋشىلىعىن ارتتىرىپ, سالاۋاتتى ءومىر سالتىن قالىپتاستىرۋعا باعىتتالعان. قاتىسۋشىلار ساپاردان جارقىن اسەرمەن ورالىپ, جاڭا ءبىلىم مەن جاعىمدى ەموتسياعا بولەندى.