قازگيدرومەت مالىمەتىنشە, الداعى كۇندەرى 46 گرادۋسقا دەيىن ىستىق بولادى, دەپ حابارلايدى Egemen.kz.
قازاقستان اۋماعىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى نايزاعايلى جاڭبىر كۇتىلەدى. 17 شىلدەدە – باتىستا, 18 شىلدەدە – سولتۇستىك-باتىستا, 18–19 شىلدەدە – سولتۇستىكتە, 19 شىلدەدە – رەسپۋبليكانىڭ ورتالىعىندا قاتتى جاڭبىر, بۇرشاق جانە داۋىلدى جەل بولجانادى.
رەسپۋبليكا بويىنشا جەلدىڭ كۇشەيۋى كۇتىلەدى.
الداعى كۇندەرى ەلىمىزدىڭ باتىسى مەن وڭتۇستىك-باتىسىندا وتە قاتتى ىستىق 41–44°س دەيىن, وڭتۇستىك-شىعىسىندا 42–43°س دەيىن كۇتىلەدى. 17 شىلدەدە سولتۇستىك-باتىستا, 18 شىلدەدە رەسپۋبليكانىڭ ورتالىعىندا 40°س دەيىنگى وتە قاتتى ىستىق بولجانادى. 18–19 شىلدەدە ەلىمىزدىڭ وڭتۇستىگىندە 45–46°س دەيىن اپتاپ ىستىق كۇتىلەدى.
سولتۇستىك وڭىرلەردە تۇنگى تەمپەراتۋرا 8–18°س دەيىن, كۇندىزگى تەمپەراتۋرا 17–25°س دەيىن تومەندەيدى.