الماتىداعى «ADD Ustel Tennis Ortalygy» سپورت كەشەنىندە 2026 جىلعى كوماندالىق الەم چەمپيوناتىنا ورتالىق ازيا ايماقتىق ىرىكتەۋ ءتۋرنيرى ءوتتى, دەپ جازادى Egemen.kz.
ىرىكتەۋدە ەرلەر جانە ايەلدەر كومانداسى ءبىر عانا جولدامانى ساراپقا سالدى. بۇل جولدامانى قىرعىزستان, وزبەكستان جانە قازاقستان قۇرامالارى ءوزارا ءبولىستى.
كيريلل گەراسيمەنكو, الان قۇرمانعاليەۆ جانە ايدوس كەنجەعۇلوۆ قارسىلاستارىن 3:0 ەسەبىمەن سەنىمدى تۇردە ۇتتى. وسىلايشا وتانداستارىمىز ءبىرىنشى ورىندى يەلەنىپ, الەم چەمپيوناتىنا جولداما الدى.
ال ايەلدەر اراسىنداعى سايىستا زاۋرەش اقاشەۆا, سارۆينوز ميركاديروۆا جانە انەل باقىت الدىمەن قىرعىزستاننىڭ تەننيسشىلەرىنەن باسىم ءتۇستى. كەيىنگى كەزدەسۋدە دە جەڭىس 3:2 ەل قۇراماسىنىڭ پايداسىنا جازىلدى.