جاپونيانىڭ مەتەورولوگيالىق باسقارماسىنىڭ مالىمەتىنشە, 21 ماۋسىمنان بەرى ەلدىڭ وڭتۇستىك-باتىسىنداعى شاعىن ارالداردا 2000-نان استام جەر سىلكىنىسى تىركەلگەن, دەپ حابارلايدى Egemen.kz Kyodo News-كە سىلتەمە جاساپ.
توكارا ارالدار توبىنا كىرەتىن اكۋسەكي مەن كوداكارا ارالدارىندا تۇراتىن 60-تان استام ادام 5,5 ماگنيتۋدالى جەر سىلكىنىسىنەن كەيىن شىلدە ايىنىڭ باسىندا ەۆاكۋاتسيالانعان.
NHK World-Japan حابارلاۋىنشا, سەيسەنبى تاڭىنداعى جاعداي بويىنشا توكارا ارالدارىندا ماگنيتۋداسى 1 جانە ودان جوعارى 2046 جەر سىلكىنىسى تىركەلگەن.
جەرگىلىكتى بيلىك تۇرعىنداردى ارالدارعا قايتارۋ تۋرالى وتىنىشتەردى بەس كۇن قاتارىنان 4 باللدان جوعارى جەر سىلكىنىسى تىركەلمەگەن جاعدايدا عانا قاراستىرادى. Kyodo مالىمەتىنشە, 4 باللدىق جەر سىلكىنىسى جاياۋ جۇرگەن ادامداردىڭ كوپشىلىگىنە سەزىلەدى.
بۇعان دەيىن جۇرگىزىلگەن زەرتتەۋ ناتيجەسىندە, وسى ايماقتاعى ەكى شاعىن ارالدىڭ سەيسميكالىق بەلسەندىلىكتىڭ اسەرىنەن نەبارى ءۇش كۇن ىشىندە ءبىر-بىرىنەن شامامەن 10 سانتيمەترگە جىلجىعانى انىقتالعان.