عىلىم جانە جوعارى ءبىلىم مينيسترلىگى 13 شىلدەدە, 1 كۇندە 10 مىڭنان استام تالاپكەر گرانت كونكۋرسىنا قۇجات تاپسىرىپ ۇلگەرگەنىن حابارلادى, دەپ جازادى Egemen.kz.
قۇجات قابىلداۋ 20 شىلدەگە دەيىن جالعاسادى.
ءبىرىنشى كۇننىڭ قورىتىندىسى بويىنشا, تالاپكەرلەر ەڭ كوپ ءوتىنىشتى «پەداگوگيكالىق عىلىمدار» جانە «ينجەنەرلىك, وڭدەۋ جانە قۇرىلىس سالالارى» باعىتتارىنا بەرگەن.
بيىل قۇجاتتاردى egov.kz پورتالى ارقىلى ونلاين نەمەسە جوعارى وقۋ ورىندارىنداعى قابىلداۋ ورتالىقتارى ارقىلى (كەز كەلگەن جاقىن ورنالاسقان جوو-دا) تاپسىرۋعا بولادى.
ايتا كەتەيىك, گرانت كونكۋرسىنا قاتىسۋ ءۇشىن تالاپكەرلەر جەكە كۋالىك, ۇبت سەرتيفيكاتىن, 3ح4 كولەمىندەگى فوتو, ورتا ءبىلىم تۋرالى اتتەستات (تەحنيكالىق جانە كاسىپتىك ءبىلىم بەرۋ ۇيىمدارىنىڭ تۇلەكتەرى ءۇشىن ديپلوم) تاپسىرۋ كەرەك. ال جەڭىلدەتىلگەن سانات بويىنشا كونكۋرسقا قاتىسۋ ءۇشىن راستايتىن قۇجاتتار قوسا ۇسىنىلۋى ءتيىس.