ۇكىمەتتە تسيفرلىق سەرۆيستەردى دامىتۋ ماسەلەسى تالقىلاندى

ۇكىمەت ءوزىن-ءوزى جۇمىسپەن قامتىعاندارعا سالىق سالۋ ەرەكشەلىكتەرىن ەسكەرە وتىرىپ, پلاتفورمالىق جۇمىسپەن قامتۋدى تەڭ دارەجەدە رەتتەۋدى جولعا قويۋ بويىنشا جۇمىس جۇرگىزىپ وتىر. بۇل رەتتە Yandex Qazaqstan جۇزەگە اسىرىپ جاتقان باستاما ەرەكشە ءبىر ماڭىزعا يە.

ايتا كەتەيىك, ياندەكس تاكسي ەلىمىزدەگى العاشقى سالىق اگەنتى بولىپ وتىر. وتكەن جىلدىڭ قىركۇيەك ايىندا ىسكە قوسىلعان ساتتەن باستاپ پلاتفورماعا قاتىسۋشىلاردىڭ جالپى سانى 86 مىڭ ادامعا جەتكەن. جوبانى دامىتۋعا 4,9 ملرد تەڭگەدەن استام قارجى ينۆەستيتسيالاندى, ال اگەنت رەتىندە كومپانيادان 4,3 ملرد تەڭگە سالىق ۇستالىپ, بيۋدجەتكە اۋدارىلعان.

«مەملەكەت باسشىسى قاسىم-جومارت توقاەۆ ازاماتتارعا ىڭعايلى بولۋ ءۇشىن تسيفرلىق شەشىمدەردى قارقىندى تۇردە ەنگىزۋدى تاپسىردى. پلاتفورمالىق جۇمىسپەن قامتۋدى رەتتەۋ بارىسىن ءتيىمدى ەتۋ ءۇشىن ۇكىمەت الەۋمەتتىك قورعاۋعا, سالىق سالۋعا جانە ءوزىن-ءوزى جۇمىسپەن قامتىعاندار مەن فريلانسەرلەردىڭ قۇقىقتىق مارتەبەسىنە جاڭاشا ادىسپەن قاراۋعا مۇددەلى. اتالعان سەكتوردى كولەڭكەدەن شىعارۋ جانە ەكونوميكاعا بەلسەندى تۇردە تارتۋ ءۇشىن 2026 جىلعى 1 قاڭتاردان باستاپ جاڭا سالىق رەجيمىنە بىرتىندەپ كوشۋ ماڭىزدى. بۇل جەردەگى ماسەلە ءبىزدىڭ جۇزدەگەن مىڭ ازاماتتارىمىزدىڭ قىزمەتىنە قاتىستى بولىپ وتىر», دەدى ولجاس بەكتەنوۆ.

ياندەكس باس ديرەكتورى دانيل شۋلەيكو ءبىزدىڭ ەلمەن ارىپتەستىك جەمىستى جۇزەگە اسىپ جاتقانىن اتاپ ءوتىپ, كومپانيانىڭ تەحنولوگيالىق باستامالارىن دامىتۋدى جالعاستىرۋ نيەتىن جەتكىزدى.

ودان بولەك, كەزدەسۋ بارىسىندا قالاارالىق جولاۋشىلار تاسىمالى سەرۆيسىن دامىتۋ جوسپارلارى دا قارالدى. بۇگىنگى تاڭدا Yandex Qazaqstan ەلىمىزدەگى نەگىزگى باعىتتاردىڭ باسىم بولىگىن قامتىپ وتىر.

«جولدارداعى قاۋىپسىزدىك ماسەلەلەرىنە دە باسا نازار اۋدارىلدى. جولاۋشىلار مەن جۇرگىزۋشىلەردىڭ قاۋىپسىزدىگى ءۇشىن جۇرگىزۋشى كۋالىكتەرىن تەكسەرۋ ەنگىزىلدى, سەلفي-باقىلاۋ جانە اۆتوموبيلدەردى تۇراقتى فوتوتەكسەرۋ جۇرگىزىلەدى. اۆتوماتتى باسقارۋ جۇيەسى جىلدامدىقتى, جۇرگىزۋشىلەردىڭ شارشاۋ دەڭگەيىن جانە باسقا دا پارامەترلەردى باقىلايدى. شتاتتان تىس جاعدايلار مەن جكو ناقتى ۋاقىت رەجيمىندە تىركەلەدى, سونداي-اق مارشرۋتتان اۋىتقۋلار جانە باسقا دا تاۋەكەلدەر باقىلانادى. كومپانيا جۇزەگە اسىراتىن باسقا دا تەحنولوگيالىق باستامالارعا نازار اۋدارىلدى. ماسەلەن, پيلوتتىق رەجيمدە 1414 بايلانىس ورتالىعى ارقىلى قازاق جانە ورىس تىلدەرىندە سويلەيتىن جاساندى ينتەللەكت نەگىزىندەگى داۋىستىق كومەكشى ەنگىزىلۋدە. قالا كارتاسىندا شۇعىل جەدەل جاردەم شاقىرۋلارىن ۆيزۋاليزاتسيالاۋ جوباسى ازىرلەنىپ جاتىر», دەلىنگەن حابارلامادا.

كەزدەسۋ قورىتىندىسى بويىنشا تاراپتار بىرلەسكەن جۇمىستى جالعاستىرۋعا دايىن ەكەندەرىن ءبىلدىردى. پرەمەر-مينيستر تسيفرلىق جوبالاردى بىرلەسىپ جۇزەگە اسىرۋ بويىنشا جاۋاپتى ۆەدومستۆولارعا بىرقاتار تاپسىرما بەردى.