پرەمەر-مينيستر ولجاس بەكتەنوۆ حانكەندى قالاسىندا (ازەربايجان) وتكەن ەكونوميكالىق ىنتىماقتاستىق ۇيىمىنىڭ XVII سامميتىنە قاتىستى.
سامميتكە ازەربايجان, تۇركيا, يران, وزبەكستان, قىرعىزستان, تاجىكستان پرەزيدەنتتەرى, پاكىستان پرەمەر-ءمينيسترى, اۋعانستان پرەمەر-ءمينيسترىنىڭ ورىنباسارى, مينيسترلەر كابينەتى توراعاسىنىڭ ورىنباسارى – تۇرىكمەنستان سىرتقى ىستەر ءمينيسترى قاتىستى. سونداي-اق بىرقاتار حالىقارالىق ۇيىمداردىڭ وكىلدەرى قاتىستى, ولاردىڭ اراسىندا وتЅ (تۇركى مەملەكەتتەرىنىڭ ۇيىمى), CICA (ازياداعى ءوزارا ءىس-قيمىل جانە سەنىم شارالارى جونىندەگى كەڭەس), TRACECA (ەۋروپا – كاۆكاز – ازيا كولىك ءدالىزى), بۇۇ, UNESCAP (بۇۇ-نىڭ ازيا جانە تىنىق مۇحيتى ەلدەرىنە ارنالعان ەكونوميكالىق جانە الەۋمەتتىك كوميسسياسى) جانە تاعى باسقالارى بار.
وتىرىس بارىسىندا ەىۇ-عا قاتىسۋشى مەملەكەتتەر اراسىنداعى ەكونوميكالىق ىنتىماقتاستىق ماسەلەلەرى قارالدى. كولىك جانە لوگيستيكا, ەنەرگەتيكا, كليماتتىق قاۋىپسىزدىك, تسيفرلىق ترانسفورماتسيا جانە تاعى باسقا سالالارداعى ءوزارا ءىس-قيمىلعا نازار اۋدارىلدى.
سامميت جۇمىسى اياسىندا ۇكىمەت باسشىسى ولجاس بەكتەنوۆتىڭ اۋعانستان پرەمەر-ءمينيسترىنىڭ ورىنباسارى ابدۋل گاني بارادارمەن ەكىجاقتى كەزدەسۋى ءوتتى. وندا ساۋدا-ەكونوميكالىق, كولىك-لوگيستيكالىق, اگرارلىق سالالارداعى ىنتىماقتاستىقتى دامىتۋ ماسەلەلەرى تالقىلاندى.
ولجاس بەكتەنوۆ مەملەكەت باسشىسى قاسىم-جومارت توقاەۆتىڭ باستاماسىمەن ەلىمىز «تۋرگۋندي-گەرات» تەمىرجولىنىڭ قۇرىلىسىنا ينۆەستيتسيا سالۋعا دايىن ەكەنىن اتاپ ءوتتى.
«اۋعانستان – ورتالىق جانە وڭتۇستىك ازيا اراسىنداعى كوپىر. ترانساۋعان تەمىر جولىنىڭ قۇرىلىسى بۇكىل ءوڭىردىڭ دامۋىنا ىقپال ەتەتىن بولادى. قازاقستان ۇكىمەتى وسى جوبانى ىسكە اسىرۋ نيەتىن راستايدى, جاقىندا تاراپتار اراسىندا ءتيىستى مەموراندۋمعا قول قويىلادى», دەدى پرەمەر-مينيستر.