2025 جىلعى 29 ماۋسىم مەن 3 شىلدە ارالىعىندا بانگكوك قالاسىنداعى Anglo Singapore International School بازاسىندا وتكەن Asian World Schools Debating Championship (AWSDC) – الەمدىك دەڭگەيدەگى بەدەلدى پىكىرسايىس تۋرنيرلەرىنىڭ ءبىرى سانالادى. بيىلعى جىلى بۇل جارىس قازاقستان ءۇشىن ەرەكشە مانگە يە بولدى – ەلىمىزدىڭ قۇراماسى اتالعان تۋرنيرگە العاش رەت قاتىسىپ وتىر, دەپ حابارلايدى Egemen.kz.
قازاقستاندىق كوماندالاردىڭ حالىقارالىق ارەنادا ونەر كورسەتۋىنە, تاجىريبە جيناقتاپ, زاماناۋي زياتكەرلىك جەلىگە ەنۋىنە نەگىز بولعان – «Debat Eli» قوعامدىق قورى. اتالعان قور WSDC Ltd. ۇيىمىنىڭ ەلىمىزدەگى رەسمي سەرىكتەسى رەتىندە 15 وقۋشىنىڭ AWSDC 2025 تۋرنيرىنە قاتىسۋىنا جول اشتى.
باستى ماقسات — حالىقارالىق ينتەگراتسيا مەن جاستاردىڭ كوشباسشىلىق الەۋەتىن دامىتۋ
ءتۋرنيردىڭ بيىلعى تاقىرىبى – «Agents of Impact» («ىقپال اگەنتتەرى»). بۇل — الەمدىك ماسەلەلەردى شەشۋدە جاستاردىڭ بەلسەندى ءرولىن كورسەتۋگە باعىتتالعان سيمۆولدىق ۇران. AWSDC پىكىرسايىستارى WSDC حالىقارالىق فورماتىنا نەگىزدەلىپ وتكىزىلدى. تۋرنيرگە ازيانىڭ 10-نان اسا ەلىنەن كوماندالار كەلدى.
قازاقستان ساپىندا ءۇش كوماندا قاتىستى:
نەگىزگى ۇلتتىق قۇراما – «Debat Eli» قوعامدىق قورىنىڭ قولداۋىمەن قۇرىلدى,نازارباەۆ زياتكەرلىك مەكتەبى,High Tech Academy مەكتەپتەرىنىڭ تاۋەلسىز قۇرامالارى.
ۇلتتىق قۇرامانىڭ ۇزدىكتەرى:
الەن اۋسەنوۆ – «El Úmiti Cup 2024» جەڭىمپازى, ۇزدىك سپيكەر;
ارينا لەپەحينا – الماتى قالاسىنىڭ ۇزدىك دەباتەرى;
نۇراي كەسكىنباەۆا – 2025 جىلعى مەكتەپتىك چەمپيوناتتىڭ جەڭىمپازى.
كوماندانى حالىقارالىق دەڭگەيدەگى دەباتشى, ەل چەمپيونى ايگەرىم ايباسوۆا جاتتىقتىردى.
تاجىريبە – بولاشاق جەڭىستەردىڭ ىرگەتاسى
قازاقستان قۇراماسى توپتىق كەزەڭدە سەنىمدى ويىن كورسەتىپ, ازداعان ۇپاي ايىرماسىمەن پلەي-وففقا وتە المادى. بۇل – العاشقى قادامعا قاراماستان, جوعارى دارەجەلى ناتيجە. سونىمەن قاتار, High Tech Academy وكىلى سوفي كوجيۆنيكوۆا «ۇزدىك جاس سپيكەر» اتالىمىندا ەكىنشى ورىن الىپ, Mason Korea ۋنيۆەرسيتەتىنەن $6000 گرانت ۇتىپ الدى.
تۋرنير فينالىندا مالايزيا قۇراماسى جەڭىسكە جەتتى.
قازاقستان ءۇشىن بۇل — جاي عانا ساپار ەمەس, حالىقارالىق دەڭگەيدە جاستاردىڭ بەدەلىن ارتتىراتىن جانە بولاشاق مۇمكىندىكتەرگە جول اشاتىن تاريحي باستاما.