وڭتۇستىك كورەيادا اپتاپ ىستىق سالدارىنان بەس ادام كوز جۇمدى. ەلدىڭ دەنساۋلىق ساقتاۋ ورگاندارىنىڭ مالىمەتىنشە, ماۋسىم باستالعالى بەرى كۇننىڭ قاتتى ىسۋىنا بايلانىستى 630-دان استام ادام زارداپ شەككەن, دەپ حابارلايدى Egemen.kz Yonhap-قا سىلتەمە جاساپ.
15 ماۋسىمنان بەرى ۇكىمەت كۇننىڭ ىسۋىنا بايلانىستى اۋرۋ جاعدايلارىن تىركەۋدى باستاعان. سول ۋاقىتتان بەرى 633 ادام مەديتسينالىق كومەككە جۇگىنگەن, ولاردىڭ ىشىندە بەس ادامنىڭ ءومىرىن ساقتاپ قالۋ مۇمكىن بولماعان.
كورەيانىڭ اۋرۋلاردى باقىلاۋ جانە الدىن الۋ باسقارماسىنىڭ دەرەگىنشە, تەك سارسەنبى كۇنى 100 ادام دارىگەر كومەگىنە جۇگىنگەن.
ناۋقاستاردىڭ 82,9 پايىزىنىڭ جاعدايى اشىق اسپان استىندا بولعان كەزدە ناشارلاعان. ەلدىڭ كوپتەگەن ايماقتارىندا اپتاپ ىستىققا بايلانىستى ەسكەرتۋ جاريالانعان.
اتاپ ايتقاندا, كيونگيدو پروۆينتسياسىندا اۋا تەمپەراتۋراسى 35 گرادۋسقا دەيىن كوتەرىلگەن.