مەملەكەتتىك كەڭەسشى ەرلان قارين ەتنوسارالىق كەلىسىمدى نىعايتۋ ماسەلەلەرىنە ارنالعان رەسپۋبليكالىق جيىن وتكىزدى. باسقوسۋعا پرەزيدەنت اكىمشىلىگى قۇرىلىمدىق بولىمشەلەرىنىڭ باسشىلارى, ورتالىق مەملەكەتتىك ورگانداردىڭ وكىلدەرى, سونداي-اق قوستاناي مەن شىعىس قازاقستان وبلىستارىنىڭ اكىمدەرى قاتىستى.
جيىندا ەتنوسارالىق قاتىناس سالاسىنداعى وزەكتى ماسەلەلەر جانە اقپاراتتىق-ءتۇسىندىرۋ جۇمىستارىن جەتىلدىرۋ شارالارى قاراستىرىلدى.
ەرلان قارين «زاڭ جانە ءتارتىپ» قاعيداتىنىڭ ءىس جۇزىندە ورىندالۋىنا, سونىمەن قاتار ايماقتارداعى قوعامدىق كەلىسىمدى قامتاماسىز ەتۋدىڭ بىرىڭعاي ءتاسىلىن ازىرلەۋ ماسەلەسىنە ايرىقشا نازار اۋداردى.
مەملەكەتتىك كەڭەسشى ىشكى ساياساتتاعى نەگىزگى ماسەلەلەرگە قاتىستى قۇزىرلى ورگانداردىڭ جۇمىسىن ۇنەمى پرواكتيۆتى رەجىمدە ۇيلەستىرىپ وتىرۋ قاجەتتىگىن ايرىقشا اتاپ ءوتتى.
جيىن سوڭىندا مەملەكەتتىك ورگاندار مەن ايماق اكىمدەرىنە قوعامدىق-ساياسي تۇراقتىلىقتى نىعايتۋعا قاتىستى ناقتى تاپسىرمالار بەرىلدى.