كاتونقاراعاي اۋدانىنىڭ توپقايىڭ اۋىلىندا اۋىزسۋ ءالى جوق. تۇرعىنداردىڭ ءبىر بولىگى وزەننەن سۋ تاسىپ, ىشسە, ەندى ءبىرى اۋىل ورتاسىنداعى جالعىز قۇدىققا قاراپ وتىر, دەپ جازادى Egemen.kz.
بۇل ماسەلە جىل باسىندا سان مارتە كوتەرىلگەن. ال اۋدان اكىمدىگى«توپقايىڭداعى سۋ قۇبىرىن جۇرگىزۋ بويىنشا 2025 جىلعا 77 ملن ءبولىندى. بىلتىر مەردىگەر «QazContruction» كومپانياسىمەن قايتادان ۇشجاقتى مەموراندۋم جاسالىپ, جۇمىسىن جالعاستىرىپ جاتىر. 2024 جىلدىڭ اياعىنا دەيىن بارلىق اۋىل ىشىندەگى ابونەنتتەرگە دەيىن, ءۇيىنىڭ قورشاۋىنا دەيىن سۋ قۇبىرلارىن تارتۋ جۇمىستارىن ءبىتىردى. جۇمىستاردى 2025 جىلدىڭ 30 ماۋسىمىنا دەيىن تولىق اياقتاۋ جوسپارلانىپ وتىر» دەگەن.
وكىنىشتىسى, ۋادە ورىندالمادى. جۋىقتا شقو وڭىرلىك كوممۋنيكاتسيالار قىزمەتىندە وتكەن بريفينگتە كاتونقاراعاي اۋدانى اكىمى دانيار دۇيسەمباەۆ «توڭقايىڭدى اۋىزسۋمەن قامتۋ جوباسى بيىل تولىق جۇزەگە اسىرىلادى» دەگەن. ءيا, كۇنى مەن ايىن ناقتىلامادى.
اۋىل تۇرعىندارى بولسا, ەندىگى ءۇمىت پرەزيدەنتتە دەپ وتىر. ەسكە سالساق, مەملەكەت باسشىسى قاسىم-جومارت توقاەۆ 2025 جىلدىڭ سوڭىنا دەيىن قازاقستاننىڭ بارلىق ەلدى مەكەندەرىن ءجۇز پايىز اۋىزسۋمەن قامتاماسىز ەتۋ تۋرالى تاپسىرما بەرگەن. ونىڭ ورىندالۋ-ورىندالماۋى ۋاقى ەنشىسىندە.