جالپىعا بىردەي دەكلاراتسيانى كىم جانە قاشان تاپسىرادى؟

جالپىعا بىردەي دەكلاراتسيالاۋ – ءاربىر ازاماتتىڭ تابىسى مەن مۇلكى تۋرالى مەملەكەت الدىندا ەسەپ بەرۋى. ول ەكى ءتۇرلى سالىق دەكلاراتسياسىنان تۇرادى: ءبىرىنشىسى – كىرىستەر مەن م ۇلىك تۋرالى, ەكىنشىسى – تابىستار مەن شىعىستار تۋرالى ەسەپ.

العاشقىسى – 250.00 نىسانى. بۇل نىساندى ءار ازامات ومىرىندە ءبىر-اق رەت تاپسىرادى. وندا ءسىز ءوز اتىڭىزداعى م ۇلىكتەردى – ءۇي, كولىك, جەر, شەتەلدەگى اكتيۆتەر, بانك شوتتارى, ءتىپتى ءۇي ىشىندەگى باعالى زاتتارعا دەيىن كورسەتۋىڭىز قاجەت. مىسالى, پاتەر ىشىندەگى جيھاز, ونەر تۋىندىلارى, كوللەكتسيالارىڭىزدىڭ نارىق­تىق قۇنى جوعارى بولسا, كورسەتىلگەنى ابزال.

بيىل 250.00 نىسانىن 18 جاسقا تولعان بارلىق ازامات 15 قىركۇيەككە دەيىن تاپسىرۋى كەرەك. ەسكەرەتىن جايت بار. ەشقانداي جاس شەكتەۋى جوق. 100 جاسقا كەلگەن قاريا دا, ستيپەنديامەن كۇن كورىپ جۇرگەن ستۋدەنت تە تاپسىرادى. زاڭ تالابى وسىنداي. ۋاقىتىندا تاپسىرماعان جاعدايدا سالىق ورگاندارى سالىق تولەۋشىنىڭ جەكە كابينەتىنە ەسكەرتۋ جىبەرەدى. الايدا كوپشىلىك بۇل كابينەتتى كۇن سايىن قاراپ وتىرمايدى. سول سەبەپتى, ەسكەرتۋ جاۋاپسىز قالىپ, سالدارى قيىن بولۋى مۇمكىن. ازاماتتىڭ بانكتەگى شوتتارى بۇعاتتالىپ, زەينەتاقىسى نەمەسە شاكىرتاقىسى توقتاپ قالۋى ىقتيمال. مۇنداي جاعدايلار وتكەن جىلدارى بولعان, سوندىقتان الدىن الا قامدانعان دۇرىس.

250.00 نىسانىن تاپسىرۋ جولدارى ءارتۇرلى. ە-Salyk ءموبيلدى قوسىمشاسى ار­­­قىلى, حقكو-دا ينسپەكتور كومەگىمەن نەمەسە جەكە بۋحگالتەر كومەگىمەن تاپسىرۋعا بولادى. بۇل – ومىردە ءبىر رەت تاپسىرىلاتىن ەسەپ. ودان كەيىن جىل سايىن 270.00 نىسانىن, ياعني تابىستار مەن شىعىندار دەكلاراتسياسىن تاپسىرۋ جالعاسادى.

كەيىنگى كەزدە جەلىدە «8 ميلليون وتانداسىمىز دەكلاراتسيا تاپسىرماسا بولادى» دەگەن اقپارات تاراپ ءجۇر. بۇل – 270.00 دەكلاراتسياسىنا قاتىستى جەڭىلدىك. الايدا 250.00 نىسانى بارىنە مىندەتتى. سوندىقتان جاڭا جىلدى بۇعاتتالعان بانك كارتاسىمەن قارسى العىڭىز كەلمەسە, دەكلاراتسيانى بيىلدان باس­تاپ زەرتتەپ, قازىردەن قامدانىڭىز.

دايىنداعان –

ەلىگىماي توڭكەر,

«Egemen Qazaqstan»