روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمى 64-كونتسەرتتىك ماۋسىمىن ءساتتى اياقتادى. شىعارماشىلىق ۇيىم «grand fest» مۋزىكالىق فەستيۆالى اياسىندا استاناداعى امفيتەاتردا كورەرمەندەرىنە گالا-كونتسەرت ۇسىندى.
64-كونتسەرتتىك ماۋسىم اياسىندا ۇجىم 82 كونتسەرت, 3 ءىرى شىعارماشىلىق جوبا جانە مەملەكەتتىك ماڭىزى بار ءىس-شارالار جۇزەگە استى. روزا باعلانوۆا اتىنداعى حالىقارالىق ۆوكالدىق كونكۋرسى, «سەرپەر» ۇلتتىق ونەر كونكۋرسى, «مەنىڭ قازاقستانىم» اتتى ءشامشى قالداياقوۆ اندەرىنىڭ حالىقارالىق فەستيۆالى ۇيىمداستىرىلدى.
كونتسەرتتىك باعدارلامادا تانىمال كومپوزيتسيالار, زاماناۋي ارانجيروۆكالار, وركەسترلىك سۇيەمەلدەۋ جانە اشىق اسپان استىنداعى مەرەكەلىك اتموسفەرا ۇسىنىلدى. ءىس-شاراعا «قازاقكونتسەرتتىڭ» تانىمال سوليستەرى مەن شىعارماشىلىق ۇجىمدارى قاتىستى. اتاپ ايتساق, قازاقستاننىڭ حالىق ءارتىسى ماقپال ءجۇنىسوۆا, قازاقستاننىڭ ەڭبەك سىڭىرگەن ءارتىسى نۇرلان ونەرباەۆ, قازاقستاننىڭ ەڭبەك سىڭىرگەن قايراتكەرلەرى, حالىقارالىق جانە رەسپۋبليكالىق بايقاۋلاردىڭ لاۋرەاتتارى, قازاق مەملەكەتتىك سيمفونيالىق وركەسترى, «گۇلدەر» جانە «بىرلىك» انسامبلدەرى, «Turan» ەتنو-فولكلورلىق ءانسامبلى, «Saz&Soul» توبى جانە «Astana Musical» مەملەكەتتىك تەاترى ونەر كورسەتتى.
ماۋسىم اياسىندا ۇيىم ارتىستەرى قازاق ونەرىن الەمگە تانىستىرۋ ماقساتىندا فرانتسيا, ۇلىبريتانيا, يتاليا, كانادا, تۇركيا, يسپانيا, چەحيا, بولگاريا, بەلارۋس, ماجارستان, ءباا, تاجىكستان, رەسەي فەدەراتسياسى, تۇرىكمەنستان, گرۋزيا, ارمەنيا, لاتۆيا جانە ازەربايجان سەكىلدى 22 شەت مەملەكەتكە گاسترولدىك ساپارمەن باردى.
«قازاقكونتسەرت» 17 رەسپۋبليكالىق گاسترولدىك ساپارى بارىسىندا ەلىمىزدىڭ تۇكپىر-تۇكپىرىن ارالاپ, ۇلتتىق مادەنيەتتى كەڭىنەن دارىپتەۋگە ىقپال ەتتى.
اققۋ دونەش,
ل.ن.گۋميلەۆ اتىنداعى ەۇۋ-دىڭ 2-كۋرس ستۋدەنتى