شەشەنستان باسشىسى رامزان قادىروۆ Telegram پاراقشاسىندا 17 جاستاعى ۇلىنىڭ ۇيلەنۋ تويىنا كەلگەن قوناقتارىنا العىس ايتتى, ونىڭ ىشىندە قازاقستان ەلشىسى دە بار, دەپ حابارلايدى Egemen.kz.
«دوستار, گروزنىيدا ءوزىم اسا قادىرلەپ, قۇرمەتتەيتىن ادامدار اراسىنان كوپتەگەن قوناقتى, سونداي-اق يران, ءباا, تۇركيا جانە قازاقستان ەلشىلەرىن كورگەنىمە قۋاندىم. ولاردىڭ بارلىعى شەشەن رەسپۋبليكاسىنىڭ تۇڭعىش پرەزيدەنتىنىڭ نەمەرەسى, رەسەي باتىرى احمات-حادجي قادىروۆتىڭ نەمەرەسى – ادامنىڭ ۇيلەنۋ تويىنا وراي ءبىزدىڭ وتباسىمىزدى قۇتتىقتاۋ ءۇشىن كەلدى», دەپ جازدى رامزان قادىروۆ.
قازىرگى ۋاقىتتا قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى – داۋرەن اباەۆ.
ەسكە سالايىق, ادام قادىروۆ – شەشەنستان رەسپۋبليكاسىنىڭ قاۋىپسىزدىك كەڭەسى حاتشىسى.