«قاي جۇرتتىڭ ءباسپاسوزى كۇشتى بولسا, سول جۇرتتىڭ ءوزى دە كۇشتى» دەگەن مىرجاقىپ دۋلاتتىڭ ءسوزىن نەگىزگە الساق, جۋرناليستەردىڭ جاۋاپكەرشىلىگى مەن قوعامداعى ورنى ماڭىزدى ەكەنى ايقىندالا تۇسەدى.
بالا كەزدەن گازەت-جۋرنالدان قول ۇزگەن ەمەسپىز. جىلدار بويى ۇزبەي جازدىرىپ الىپ وقيتىن گازەتىمنىڭ ءبىرى دە بىرەگەيى – «Egemen Qazaqstan». باسىلىمنىڭ تۇراقتى وقىرمانىمىن جانە ماقالالارىمدى جولداپ وتىرامىن.
تىرشىلىگىمىز تۇركىستان وڭىرىمەن تىكەلەي بايلانىستى بولعان سوڭ دا, گازەتتى العان سوڭ, بىردەن وبلىسقا قاتىستى ماقالانى ىزدەپ, وقىپ شىعامىز. وسى ورايدا عالىمجان ەلشىبايدىڭ وڭىردەگى وزەكتى ماسەلەلەردى تالداپ, تاراتا جازعان ماقالالارىن, جازۋشى مارحابات بايعۇت, ۇستازى تەمىربەك قوجاكەەۆ تۋرالى جازعان تولعاۋ-ەسسەلەرىن جالپى وقىرمان قاۋىم جوعارى باعالادى. سونداي-اق باسىلىمنىڭ ء«بىلىم», «ادەبيەتتىڭ اڭگىمەسى» بەتىن وقىعاندى ۇناتامىن. «زەردە», «رۋحانيات» ايدارىمەن جارىق كورەتىن جۋرناليستەردىڭ, اۆتورلاردىڭ شىعارمالارى دا وقىلىمدى. كوكشەتاۋلىق جۋرناليست بايقال ءبايادىلدىڭ «قاز-قالپىندا» ايدارىمەن جاريالانىپ جۇرگەن ەڭبەكتەرى وتە شىنايى. وي سالادى. بەكەن قايرات ۇلىنىڭ ەتنوگرافيالىق ەتيۋدتەرى دە قىزىقتى. جالپى, «Egemen Qazaqstan»-نىڭ ءار نومىرىنەن وقيتىن ماقالا كوپ. دەگەنمەن مەنىڭ جەكە پىكىرىم, گازەتتىڭ سوڭعى بەتىنە قويىلاتىن «نۇكتە» كورىنبەي قالدى.
عالىمجان شامشىدىن ۇلى,
جۇمابەك تاشەنوۆ اتىنداعى ۋنيۆەرسيتەت پرورەكتورى
تۇركىستان