اۋا-رايىنىڭ جاۋىن-شاشىنسىز بولۋىنا بايلانىستى تۇركىستان وبلىسىندا اعىن سۋ تاپشىلىعى ورىن الۋى قاۋىپتىلىگى جوعارى بولىپ تۇر. جالپى وبلىسقا جىلدىق قاجەتتى ليميت 4,8 ملرد تەكشە مەتر بولىپ بەكىتىلگەن. وڭىردەگى 896,2 مىڭ گەكتار ەگىس القابىنىڭ 389,3 مىڭ گەكتارى اتموسفەرالىق جاۋىن-شاشىنعا تاۋەلدى جەرلەر. اۋا رايى قولايسىز بولىپ, ەگىستىكتىڭ شامامەن 49,8 مىڭ گەكتارى پايدالانۋعا جارامسىز دەپ تانىلدى. بۇل جالپى ەگىس القابىنىڭ 5,5 %-ىن قۇرايدى. قۋاڭشىلىق 336 شارۋانىڭ جۇمىسىنا تىكەلەي اسەر ەتىپ وتىر, دەپ حابارلايدى Egemen.kz.
وبلىس اكىمىنىڭ ورىنباسارى نۇربول تۇراشبەكوۆ اۋىل شارۋاشىلىعى داقىلدارىنىڭ جويىلۋىنا جول بەرمەۋ ماقساتىندا سۋ بەرۋ كەستەسى شارۋالاردىڭ كەلىسىمىمەن بەكىتىلىپ, اعىن سۋ كەزەكتىلىك تارتىبىمەن بەرىلىپ جاتقانىن ءمالىم ەتتى.
«الداعى ۋاقىتتا سۋ تاپشىلىعىن تولىق شەشۋ ماقساتىندا «بايدىبەك اتا», «بورالداي» سۋقويمالارى جوبالارى قولعا الىندى. ناتيجەسىندە «بوگەن» سۋقويماسىنا قوسىمشا 113 ملن تەكشە مەتر اعىن سۋ جەتكىزىلەتىن بولادى. جوبانى تولىق اياقتاۋعا 5,4 ملرد تەڭگە قارجى ءبولۋ ۇسىنىلدى. بيىل وبلىستا سۋ ۇنەمدەۋ تەحنولوگيالارىن جاڭادان 27 مىڭ گەكتارعا ورنالاستىرۋ جوسپارلانعان. وبلىس مۇمكىندىگىنە سايكەس, سۋ ۇنەمدەۋ تەحنولوگيالارى 59 مىڭ گەكتارعا ورنالاستىرىلاتىن بولادى», دەدى نۇربول تۇراشبەكوۆ.
ونىڭ ايتۋىنشا وبلىسقا تيەسىلى جىلدىق سۋ پايدالانۋ ءليميتىنىڭ 63%-ى كورشى مەملەكەتتەردىڭ اۋماعىنان كەلەدى. ترانسشەكارالىق «دوستىق» ماگيسترالدى كانالى ارقىلى جەتىساي, ماقتاارال اۋداندارىندا 140 مىڭ گەكتار جەر اعىن سۋمەن قامتاماسىز ەتىلەدى. جالپى وبلىستاعى 25 سۋقويما, 1 سۋ رەتتەگىش, 269 كانالدى كۇردەلى جوندەۋدەن وتكىزۋ ناتيجەسىندە سۋ نىساندارىنىڭ توزۋ كورسەتكىشى 76%-دان 50%-عا تومەندەيدى. ناتيجەسىندە 400 مىڭ گەكتار سۋارمالى جەرلەرگە سۋ جەتكىزۋ قابىلەتتىلىگى ارتىپ, جىل سايىن قوسىمشا 200 ملرد تەڭگەنىڭ ءونىمى وندىرىلەدى.