اقتوبە مەديتسينالىق ورتالىعىنىڭ ماماندارى 30 مامىر كۇنى راسۋل مەن پولينا ساماتوۆتاردىڭ وتباسىندا امير, امين جانە ايشانىڭ دۇنيەگە كەلۋىنە سەبەپكەر بولدى. ءۇش ءسابي قاناعاتتانارلىق جاعدايدا ۇيگە شىعارىلدى, دەپ حابارلايدى Egemen.kz.
راسۋل مەن پولينانىڭ بەس جاسار دايانا مەن ءۇش جاسار يسلام ەسىمدى بالالارى بار. جاس وتباسىن قۋانىشتارىمەن وبلىستىق دەنساۋلىق ساقتاۋ باسقارماسىنىڭ وكىلدەرى جانە اقتوبە قالاسى استانا اۋدانىنىڭ اكىمى قۇتتىقتادى.
ايتا كەتسەك, جىل باستالعالى وڭىردە 5255 ءسابي دۇنيە ەسىگىن اشقان. ونىڭ ىشىندە ەلۋ ءبىرى – ەگىزدەر بولسا, ەكەۋى – ۇشەم ەكەن.