تۇركىستان وبلىسىندا ونەركاسىپ قارقىندى دامىپ كەلەدى. بۇل ۇردىسكە قىتايلىق ينۆەستيتسيالار ەرەكشە سەرپىن بەرىپ وتىر. بۇل تۋرالى قر پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين مالىمدەدى, دەپ حابارلايدى Egemen.kz.
ءمينيستردىڭ ايتۋىنشا, تۇركىستان وڭىرىندە قىتايلىق ينۆەستوردىڭ قاتىسۋىمەن ماقتانى وڭدەۋدەن باستاپ دايىن ءونىم شىعارۋعا دەيىنگى تولىق تسيكلدى توقىما كومبيناتى سالىنىپ جاتىر.
«مەن بۇل كاسىپورىنعا العاش كەلگەنىمدە, جوبا ەندى باستالىپ جاتقان ەدى. قازىردىڭ وزىندە ناتيجەسى تاڭعالارلىق», دەدى سەرىك جۇمانعارين.
سونداي-اق, مينيستر شەتەلدىك ينۆەستيتسيالاردىڭ وڭىرلىك ەكونوميكانىڭ دامۋىنا تىكەلەي اسەر ەتەتىنىن اتاپ ءوتتى.
«ساۋداسىز ينۆەستيتسيا بولمايدى. الدىمەن نارىقتى ساۋدا ارقىلى زەردەلەيمىز, سودان كەيىن ءىرى جوبالاردى ىسكە اسىرامىز», دەدى ول.
بۇعان دەيىن سەرىك جۇمانعارين قازاقستان ورتا ءدالىز ارقىلى جۇك تاسىمالداۋ كولەمىن 10 ملن تونناعا جەتكىزۋدى جوسپارلاپ وتىرعانىن مالىمدەگەن ەدى.
سونىمەن قاتار, ءمينيستردىڭ ايتۋىنشا, قىتاي مەن ورتالىق ازيا اراسىنداعى تاۋار اينالىمى $95 ملرد-قا جەتكەن.