قر جوعارعى سوتىنىڭ توراعاسى ا.مەرعاليەۆ مينسك قالاسىنا جۇمىس ساپارى بارىسىندا بەلارۋس جوعارى سوت ورگانىنىڭ توراعاسى ۆالەنتين سۋكالومەن جانە وسى سوتتىڭ سوت كورپۋسىمەن كەزدەسىپ, سوت جۇيەسىن جاڭعىرتۋ – سوت ءىسىن جۇرگىزۋ ساپاسىن ارتتىرۋ, مەدياتسيا مەن اكىمشىلىك ادىلەتتى دامىتۋ ماسەلەلەرى بويىنشا سىندارلى پىكىر الماستى, تاراپتار تاجىريبە الماسۋ ەلدەردىڭ دامۋىنا قوسىمشا سەرپىن بەرەتىنىنە سەنىم ءبىلدىردى, دەپ جازادى Egemen.kz.
ا.مەرعاليەۆ اڭگىمەلەسۋ بارىسىندا قازاقستاندا جۇرگىزىلىپ جاتقان سوت رەفورماسى تۋرالى ايتا كەلىپ, سوت تورەلىگىنىڭ ساپاسى مەن سوتتاردىڭ تاۋەلسىزدىگىن ارتتىرۋ, سوت تورەلىگىنە قولجەتىمدىلىكتى كەڭەيتۋ جانە تسيفرلاندىرۋدى دامىتۋ شارالارىن اتاپ ءوتتى.
ەلىمىزدەگى سوت ءىسىن جۇرگىزۋدى تسيفرلاندىرۋعا, سوت تورەلىگىنىڭ تيىمدىلىگى مەن قولجەتىمدىلىگىن ارتتىرۋ ءۇشىن IT-تەحنولوگيالاردى پايدالانۋعا بەلارۋس رەسپۋبليكاسىنىڭ سۋديالارى قىزىعۋشىلىق تانىتتى.
ۆ.سۋكالو تاجىريبە الماسۋدىڭ جوعارى كاسىبي دەڭگەيىنە, سوت تورەلىگىنىڭ تاۋەلسىزدىگى مەن تيىمدىلىگى تاسىلدەرىن ىسكە اسىرۋعا, سوت اكىمشىلىگىندەگى پروگرەسسيۆتى جاڭاشىلدىقتاردى ينتەگراتسيالاۋعا قىزىعۋشىلىقتى جانە قازاقستانداعى سوت رەفورمالارىنىڭ جۇزەگە اسىرىلۋ قارقىنىن اتاپ, سوت كورپۋسىنا سوت بيلىگىنىڭ نەگىزگى كورسەتكىشتەرىنە قول جەتكىزسە دەگەن تىلەگىن ءبىلدىردى.