وڭتۇستىك افريكا رەسپۋبليكاسىندا اۋا رايىنىڭ كۇرت وزگەرۋىنە بايلانىستى ەل بيلىگى توتەنشە جاعداي جاريالادى. ەلدىڭ بىرنەشە وڭىرىندە قالىڭ قار مەن تولاسسىز جاۋعان جاڭبىر سالدارىنان سۋ تاسقىنى ورىن الىپ, تابيعي اپاتتان 49 ادام قازا تاپقان, دەپ حابارلايدى Egemen.kz.
ەڭ كوپ زارداپ شىعىس كاپ پروۆينتسياسىندا تىركەلگەن. بۇل ايماقتا تاسقىن سالدارىنان مەكتەپ اۆتوبۋسى سۋعا اعىپ كەتىپ, بىرنەشە بالا كوز جۇمعان. سونداي-اق, و. ر. تامبو اۋدانى مەن يست-لوندون قالاسى ماڭىندا دا ادام ءولىمى تىركەلگەن.
اپات سالدارىنان جۇزدەگەن كولىك جولداردا تۇرىپ قالىپ, ال كوپتەگەن ەلدى مەكەندەر جارىقسىز قالعان. قازىرگى تاڭدا ىزدەستىرۋ-قۇتقارۋ جۇمىستارى جۇرگىزىلىپ جاتىر.
ماماندار بۇل ەرەكشە تابيعي قۇبىلىستى كليماتتىڭ جاھاندىق وزگەرۋىمەن بايلانىستىرىپ وتىر. ماۋسىم — بۇل ءوڭىر ءۇشىن قىس مەزگىلى سانالسا دا, مۇنداي قار مەن جاۋىن-شاشىن مولشەرى بۇرىن-سوڭدى بولماعان.