سەمەي قالاسىنداعى قاراعايلى ىقشام اۋدانى — سوڭعى جىلدارى قارقىندى دامىپ كەلە جاتقان جاڭا تۇرعىن ءۇي كەشەنى. الايدا ءدال وسى جاڭا ىقشام اۋداننىڭ ىرگەسىندە ورنالاسقان زاڭسىز قوقىس پوليگونى ەكولوگيالىق احۋالدى كۇردەلەندىرىپ تۇر, دەپ جازادى Egemen.kz.
تۇرعىنداردىڭ ايتۋىنشا, اتالعان ايماققا قۇرىلىس قالدىقتارى مەن تۇرمىستىق قوقىستار توگىلگەن. ءتىپتى ارنايى كولىكتەرمەن اكەلىپ توگىپ كەتكەنى بايقالادى. قوقىس ءۇيىندىسىنىڭ ارعى جاعىندا – سەمەي ورمانى مەملەكەتتىك تابيعي بايلىعى ءتيىپ تۇر. بۇل – ەلىمىزدەگى اسا ماڭىزدى ەكولوگيالىق ورىن. ال ءدال ىرگەسىندەگى بۇل تۇرمىستىق قالدىقتار تابيعي ورتاعا عانا ەمەس, ادام دەنساۋلىعىنا دا زيان ەكەنى ءسوزسىز.
ەڭ الاڭداتارلىعى — قوقىس ماڭىندا بالالار ەركىن ويناپ جۇرسە, قوقىس اراسىندا بۇرالقى يتتەر قاپتاپ جۇرگەنىن ءوز كوزىمىزبەن كوردىك.
الايدا وتكەن ءساۋىر ايىندا وڭىرلىك كوممۋنيكاتسيالار قىزمەتى الاڭىندا وتكەن ءباسپاسوز ماسليحاتىندا اباي وبلىسى ەكولوگيا دەپارتامەنتىنىڭ باسشىسى سەرىك سارباسوۆ قوقىس تاستايتىن زاڭسىز ورىندار جويىلدى دەپ مالىمدەگەنى ەسىمىزدە.
– وتكەن جىلى ءوڭىر اۋماعىندا 266 زاڭسىز قوقىس ورنى تىركەلدى. بۇل الدىڭعى جىلمەن سالىستىرعاندا 24%-عا از. قازىر «عارىش ساپارى» پورتالىندا تىركەلگەن بارلىق زاڭسىز قوقىس ورىندارى تولىعىمەن جويىلدى, – دەگەن ەدى سەرىك سارباسوۆ.
رەسمي مالىمەتكە سۇيەنسەك, مۇنداي زاڭسىز قوقىس تاستايتىن ورىندار جويىلعان, الايدا قاراعايلى ماڭىنداعى بۇل پوليگون سول تىزىمگە ىلىنبەگەن نەمەسە كەيىن پايدا بولعان.
قالايدا بۇل «مەن ساعان پريمەرنو دەدىم عوي» دەگەن ترەنتەگى ىسقاقتىڭ كەبىن كيىپ تۇر.
اباي وبلىسى