«ايبىن-2025» حالىقارالىق اسكەري-پاتريوتتىق جاستار جيىنى 22–28 ماۋسىم ارالىعىندا جەڭىستىڭ 80 جىلدىعىنا جانە كەڭەس وداعىنىڭ باتىرى ءاليا مولداعۇلوۆانىڭ 100 جىلدىعىنا وراي ۇيىمداستىرىلادى, دەپ حابارلايدى Egemen.kz.
وعان قازاقستاننان جانە شەت ەلدەردەن مىڭنان استام جاس پاتريوت قاتىسادى. «ايبىن» جيىنىنىڭ باستى يدەياسى – رۋحاني قۇندىلىقتاردى ساقتاۋ, وزىق داستۇرلەردى نىعايتۋ, وسكەلەڭ ۇرپاقتى پاتريوتتىق رۋحتا جانە وتاندى قورعاۋعا اركەز دايىن بولۋعا تاربيەلەۋ.
جيىن بارىسىندا قاتىسۋشىلار اسكەري-قولدانبالى سپورت تۇرلەرىنەن سىنعا ءتۇسىپ, كوشباسشىلىق, كوماندالىق جانە ستراتەگيالىق ويلاۋ قابىلەتتەرىن دامىتادى. سونىمەن قاتار تاريحي-تانىمدىق كەزدەسۋلەر, اسكەري تەحنيكا كورمەسى مەن باتىرلار رۋحىنا ارنالعان سالتاناتتى شارالار ۇيىمداستىرىلادى.
ارايلىم مىرزاحان, ەۇۋ ستۋدەنتى