پرەزيدەنت قاسىم-جومارت توقاەۆ XVI كارل گۋستاۆتى شۆەتسيا كورولدىگىنىڭ ۇلتتىق كۇنىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«بۇل ايتۋلى مەرەكە شۆەد حالقى قادىر تۇتاتىن بىرلىك, تاريحي مۇرا جانە بەرىك دەموكراتيالىق داستۇرلەر سياقتى قۇندىلىقتارمەن ۇندەسەدى. ءسىزدىڭ دانا باسشىلىعىڭىز ارقىلى ەلىڭىز الداعى ۋاقىتتا دا ورنىقتى دامۋ مەن جاڭاشىلدىقتىڭ وزىق ۇلگىسىن كورسەتە بەرەتىنىنە سەنىمدىمىن», دەپ جازىلعان جەدەلحاتتا.