ادالدىق ءاربىر ۇجىمنان باستالادى

وعان سىبايلاس جەمقور­لىق­قا قارسى ءىس-قيمىل اگەنتتىگى پرە­ۆەن­تسيا قىزمەتىنىڭ اسا ما­ڭىز­دى ىستەر جونىندەگى وفي­تسەرى, سىبايلاس جەمقورلىق­قا قارسى قىزمەت پولكوۆنيگى جازيرا جىلقىشيەۆا جانە سەرىكتەستىكتىڭ باسشى­لىق قۇرا­مى مەن جۋرناليستەر قاتىستى.

«قازاق گازەتتەرى» سەرىكتەستىگى­نىڭ باس ديرەكتورى ديحان قامزابەك­ ۇلى جينالىستى اشىپ, كەزدەسۋدىڭ ماق­سات-مۇرا­تىن ايتىپ ءوتتى. سونداي-اق بۇل باسقوسۋ جەمقورلىققا قارسى كۇرەس, ونىڭ الدىن الۋ ءىس-شارا­لارى­نىڭ جوس­پارى اياسىندا ۇيىمداس­تىرىلىپ وتىرعانىن جەتكىزدى.

پولكوۆنيك جازيرا جىل­قىشيەۆا جۋرناليستەرگە جيىن­نىڭ ماقساتىن ءتۇسىندىرىپ, قوعام­نىڭ «جەگى قۇرتى» سانالعان جەم­قور­لىقتىڭ مەملەكەتكە كەلتى­رەر زيانى تۋرالى ايتىپ ءوتتى. الدىمەن ول سىبايلاس جەم­قورلىققا قارسى ءىس-قيمىلدىڭ قۇقىقتىق نەگىزدەرىنە توقتالدى.

– بىزدەگى جەڭ ۇشىنان جالعاس­قان سىبايلاس جەمقور­لىققا قارسى ءىس-قيمىلدىڭ قۇقىقتىق نەگىزدەرى ەڭ الدىمەن «سىبايلاس جەمقورلىققا قارسى ءىس-قيمىل تۋرالى» زاڭنان باستاۋ الادى. بۇل زاڭ 2016 جىلدىڭ 1 قاڭ­تارىنان باستاپ قولدانىسقا ەنگىزىلگەن. سونداي-اق مەملەكەت باسشىسىنىڭ جارلىعىمەن قابىلدانعان «2022–2026 جىل­دارعا ارنالعان سىبايلاس جەم­قورلىققا قارسى ءىس-قيمىل تۇ­جى­رىمداماسىنىڭ» دا 61 تار­ماقتان تۇراتىن جوسپارى بار. بۇگىنگى تاڭدا وسى تۇجىرىمداما جوسپارىنىڭ باسىم بولىگى ورىندالدى. ياعني بۇگىنگى سىبايلاس جەمقورلىققا قاتىستى زاڭنامالىق وزگەرىستەر مەن تولىقتىرۋلار سول ستراتەگيالىق قۇجات اياسىندا جۇزەگە اسىرىلىپ جاتىر, – دەدى ج.جىلقىشيەۆا.

جازيرا جاقسىلىققىزى سونداي-اق سىبايلاس جەمقور­لىق تاۋەكەلدەرى ۇدەرىسىن, ونىمەن كۇرەستىڭ جاڭاشىل تاسىلدەرىن ءتۇسىندىرىپ بەردى.

– زاڭدا بەلگىلەنگەن اكىمشى­لىك نەمەسە قىلمىستىق جاۋاپ­تى­لىق, سىبايلاس جەمقورلىق بەلگىلەرى بار, قۇقىققا قايشى ءىس-ارەكەتتىڭ ءبارى سىبايلاس جەمقورلىق بولىپ سانالادى. سىبايلاس جەمقورلىققا قارسى زاڭنامانى جەتىلدىرۋ 1998 جىلى تمد ەلدەرى اراسىندا ەڭ العاش ءبىزدىڭ ەلدە قولعا الىندى. 2015 جىلعا دەيىن كوبىنە جازالاۋ قۇقىقتىق شارالارىنا باسىمدىق بەرىلگەن. ال قازىرگى زاڭنامادا الدىن الۋ, پرەۆەنتسيا شارالارى نەگىزگى باسىمدىققا يە, – دەيدى جازيرا جاقسىلىققىزى.

سونىمەن قاتار سىبايلاس جەمقورلىققا قارسى قىزمەت مامانى بۇگىندە وسى باعىتتاعى زاڭ نورمالارى ودان ءارى كۇشەي­تىلىپ, ياعني كىنالى تۇلعانى باس بوستاندىعىنان ايىرۋ جازالارى دا قاراستىرىلعانىن اتاپ ءوتتى.

جيىن بارىسىندا جازيرا جاقسىلىققىزى جۋرناليستەر سۇراقتارىنا جاۋاپ بەرىپ, سىبايلاس جەمقور­لىقپەن كۇرەس توڭىرەگىندە قالىپ­تاسقان قوعام­دىق پىكىرگە دايەكتى كوزقاراسىن ءبىلدىردى.