2025/2026 وقۋ جىلىنا ارنالعان مەملەكەتتىك ءبىلىم بەرۋ گرانتتارىنىڭ سانى جاريالاندى. بۇل تۋرالى عىلىم جانە جوعارى ءبىلىم مينيسترلىگى حابارلادى, دەپ جازادى Egemen.kz.
مينيسترلىكتىڭ مالىمەتىنشە, جاڭا وقۋ جىلىندا 2019 جىلى تۋعان 400 مىڭنان استام بالا مەكتەپكە بارادى. ال 2027 جىلعا قاراي ەلىمىزدەگى جالپى وقۋشى سانى 5 ميلليونعا جۋىقتايدى. وسىعان بايلانىستى باستاۋىش جانە ورتا بۋىن مەكتەپتەرىندە مۇعالىمدەرگە دەگەن سۇرانىس كۇرت ارتىپ وتىر.
«2025/2026 وقۋ جىلىندا پەداگوگيكالىق ماماندىقتارعا 13 226 گرانت, ال ونەر مەن گۋمانيتارلىق عىلىمدارعا 1 915 گرانت ءبولىندى», دەلىنگەن مينيسترلىك مالىمدەمەسىندە.
سونىمەن قاتار, ينجەنەرلىك, وڭدەۋ جانە قۇرىلىس سالالارىنا شامامەن 19 مىڭ, اقپاراتتىق-كوممۋنيكاتسيالىق تەحنولوگيالار سالاسىنا 11 مىڭنان استام, جاراتىلىستانۋ عىلىمدارى, ماتەماتيكا جانە ستاتيستيكا باعىتتارىنا 9 مىڭنان استام گرانت قاراستىرىلعان.
الينا قايراتقىزى,
ەۇۋ 2-كۋرس ستۋدەنتى