«بالداۋرەن» رەسپۋبليكالىق وقۋ-ساۋىقتىرۋ ورتالىعى جازعى دەمالىستى ۇيىمداستىرۋ شەڭبەرىندە حالىقارالىق ىنتىماقتاستىق اياسىن كەڭەيتىپ كەلەدى. بالالاردىڭ دەمالىسىن ۇيىمداستىرۋدا مول تاجىريبەسى بار ورتالىق شەتەلدىك بالالاردى دا قابىلداي وتىرىپ, مادەنيەتارالىق بايلانىستاردى دامىتۋعا ەرەكشە كوڭىل ءبولىپ وتىر, دەپ جازادى Egemen.kz.
ورتالىق جۇمىس ىستەگەن جىلدار ىشىندە «بالداۋرەن» رەسپۋبليكالىق وقۋ-ساۋىقتىرۋ ورتالىعىندا الەمنىڭ 15 ەلىنەن كەلگەن بالالار دەمالعان. كەيىنگى ءۇش جىلدىڭ وزىندە «بالداۋرەن» تمد ەلدەرىنەن, قىتاي, تۇركيا, موڭعوليا جانە باسقا دا مەملەكەتتەردەن كەلگەن 700-دەن استام شەتەلدىك بالانى قابىلداعان.
ورتالىق 3 ماۋسىمدا قازاقستانعا دەمالىس پەن وڭالتۋدان ءوتۋ ءۇشىن ۋكراينادان بالالار توبى كەلگەنىن حابارلادى. ولار ءۇشىن ءبىزدىڭ ەلىمىز تۋرالى تانىمىن كەڭەيتۋگە باعىتتالعان بىرقاتار ءىس-شارالار جوسپارلانعان. اتاپ ايتقاندا, بالالار «بۋراباي» مەملەكەتتىك ۇلتتىق تابيعي پاركىنە ەكسكۋرسيا جاساپ, استانا قالاسىنداعى كورنەكتى ورىندارعا ساياحاتتايدى.
مۇنداي ساپارلار بالالاردىڭ وي-ءورىسىن كەڭەيتىپ قانا قويماي, مادەنيەتارالىق تۇسىنىستىك پەن ءوزارا قۇرمەتتى قالىپتاستىرۋعا, حالىقتار اراسىنداعى دوستىقتى نىعايتۋعا ىقپال ەتەدى.