بۇل اقپاراتتى ەلىمىزدىڭ سىرتقى ىستەر مينيسترلىگى رەسمي تۇردە راستادى, دەپ حابارلايدى Egemen.kz.
شەتەلدىك باق قايعىلى وقيعا تۋرالى ناۋرىز ايىنىڭ سوڭىندا حابار تاراتقان بولاتىن.
مينيسترلىكتىڭ رەسمي وكىلى ايبەك سمادياروۆتىڭ ايتۋىنشا, قايعىلى جاعداي شامامەن ءبىر جارىم اي بۇرىن ورىن العان. جىگىتتەر اۆتوجولدا جوعارى جىلدامدىقپەن كەلە جاتىپ, كولىك باعانعا سوعىلىپ, وقيعا ورنىندا ءتىل تارتپاي كەتكەن.
ء«تورت وتانداسىمىز سول جەردە قازا تاپتى. كونسۋلىمىز مارقۇمداردىڭ تۋىستارىنا جان-جاقتى كومەك كورسەتتى, قاجەتتى تۇسىندىرمەلەر بەرىلدى», دەدى سمادياروۆ مينيسترلىكتە وتكەن بريفينگ بارىسىندا.
قازا بولعان ازاماتتار وڭتۇستىك كورەيادا ءارتۇرلى ماقساتپەن بولعان: ءبىرى – ستۋدەنت, وزگەلەرى جۇمىس ىستەپ جۇرگەن.
ايتا كەتەيىك, قازاقستاننىڭ ءتورت ازاماتى وڭتۇستىك كورەيادا كەنگيدو شتاتىنىڭ حۆاسون قالاسىندا جول اپاتىنان قازا تاپقانى حابارلانعان ەدى.