دۋشانبەدە, مۇزدىقتاردى قورعاۋ جونىندەگى حالىقارالىق كونفەرەنتسيا اياسىندا قر سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ, سونداي-اق تاجىكستان مەن وزبەكستاننىڭ سۋ ۆەدومستۆولارى باسشىلارى بيىلعى ماۋسىم ايىنان تامىزعا دەيىن «باحري توچيك» سۋ قويماسىن بىرلەسىپ پايدالانۋ جونىندەگى حاتتاماعا قول قويدى, دەپ حابارلايدى Egemen.kz.
ۆەگەتاتسيالىق كەزەڭنىڭ ەڭ قىزعان ۋاقىتىندا قازاقستانعا 491 ملن تەكشە مەتر سۋ جىبەرىلەدى دەپ كۇتىلىپ وتىر.
اتالعان سۋ قويماسىنىڭ جۇمىس كەستەسى كورسەتىلگەن قۇجات – ءۇش ەل اراسىنداعى سۋدى ءتيىمدى ءارى تەڭدەي ءبولۋدى كوزدەيدى.
«قازاقستان سۋ رەسۋرستارىن باسقارۋ بويىنشا بىرلەسكەن جوبالاردى جۇزەگە اسىرۋعا, سونداي-اق حالىقارالىق سۋ قۇقىعى قاعيداتتارىن ىلگەرىلەتۋگە ۇمتىلادى. سۋ – جاي عانا تابيعي رەسۋرس ەمەس, ول – تۇراقتى دامۋ مەن وڭىرلىك تۇراقتىلىقتىڭ قۇرالى. ءبىز ىنتىماقتاستىق ارقىلى عانا كليماتتىق سىن-قاتەرلەرگە ءتيىمدى قارسى تۇرا الامىز», دەدى مينيستر ن.نۇرجىگىتوۆ.