ەكسپورت الەۋەتى سارالاندى

كولىك-لوگيستيكا, گەولوگيالىق بارلاۋ, اۋىل شارۋاشىلىعى, تسيفرلاندىرۋ, دەنساۋلىق ساقتاۋ, ءبىلىم بەرۋ جانە تاعى باسقا سالالارداعى ءوزارا ءىس-قيمىلدى كەڭەيتۋگە نازار اۋدارىلدى.

قازاقستان اۋعانستاننىڭ نەگىزگى ساۋدا سەرىكتەستەرىنىڭ وندىعىنا كىرەدى. وتكەن جىلى تاۋار اينالىمى 545,2 ملن دوللاردى قۇرادى, ونىڭ ىشىندە قازاقستاندىق ءونىمنىڭ ەكسپورتى – 527,7 ملن دوللار.

تۋرگۋندي-گەرات ترانساۋعان تەمىر جولىن سالۋ ماسەلەلەرى تالقى­لاندى. جوبانى ىسكە اسىرۋ ءوڭىر ءۇشىن ستراتەگيالىق ماڭىزعا يە. اۋعانستان ورتالىق جانە وڭتۇستىك ازيا اراسىنداعى كوپىر بولىپ سانالادى جانە «سولتۇستىك-وڭتۇستىك» ءدالىزىنىڭ تيىمدىلىگىن ارتتىرۋدا ماڭىزدى ءرول اتقارا الادى. اۋعانستان اۋماعىندا قاتتى پايدالى قازبالاردى گەولوگيالىق بارلاۋ, ءوندىرۋ جانە وڭدەۋ بويىنشا بىرلەسكەن جوبالاردى ىسكە اسىرۋعا وتاندىق كومپانيالاردىڭ قاتىسۋ جوسپارلارى قارالدى.

«قازاقستان ءوڭىردىڭ ورنىقتى دامۋى ءۇشىن حالىقارالىق قوعام­داس­تىقتىڭ كۇش-جىگەرىن شوعىرلان­دىرۋعا ۇمتىلادى. بۇگىندە ەلىمىز اۋعانستاننىڭ نەگىزگى ساۋدا سەرىك­تەس­تەرىنىڭ وندىعىنا كىرەدى جانە اۋعانستانداعى ازىق-ت ۇلىك داعدارىسىن ەڭسەرۋ بويىنشا حالىقارالىق سەرىكتەستەرمەن جانە ۇيىمدارمەن بەلسەندى ىنتىماقتاسادى. قازاقستان اۋعانستان نارىعىنا استىق پەن ۇن­نىڭ سەنىمدى جەتكىزۋشىسى بولىپ قالا بەرەدى. استىقتىڭ باسقا تۇر­لەرىن, مال شارۋاشىلىعى ونىمدەرىن, كوندي­تەرلىك جانە ۇن ونىمدەرىن جەتكىزۋدى باستاۋعا دايىنبىز. جالپى, ءبىز تاۋارلار نومەنكلاتۋراسىن كەڭەيتۋگە مۇددە­­لى­­مىز. سول ءۇشىن گەراتتا دا «قازاق­ستاننىڭ ساۋدا ءۇيىن» اشتىق جانە كابۋ­لدا دا قازاقستاندىق ساۋدا ءۇيىن اشۋعا نيەتتىمىز», دەدى و.بەكتەنوۆ.

نۋريددين ازيزي اۋعانستاننىڭ قازاقستانمەن بىرلەسكەن جوبالاردى ىسكە اسىرۋ سالاسىنداعى ءوزارا ءىس-قي­مىلدى كەڭەيتۋگە مۇددەلىلىگىن جەت­كىزدى. كەزدەسۋگە قاتىسۋشىلار وتان­دىق اۋىل شارۋاشىلىعى تەحنيكاسىن اۋعانستان نارىعىنا ەكسپورتتاۋ كەلەشەگىن ەرەكشە اتاپ ءوتتى.

بۇدان بولەك, جاقىندا الماتىدا اشىلعان بۇۇ وڭىرلىك ورتالىعىنىڭ ورتالىق ازيا جانە اۋعانستان ءۇشىن ورنىقتى دامۋ ماقساتتارى جونىندەگى قىز­­مە­تىنە نازار اۋدارىلدى, ول ءوڭىر­دىڭ تۇ­راقتىلىعىن نىعايتۋعا جانە قار­­قىندى دامۋىنا ەلەۋلى ۇلەس قوسادى.

كەزدەسۋ قورىتىندىسى بويىنشا تاراپتار بارلىق باعىتتار بويىن­شا جان-جاقتى ءوزارا ءتيىمدى ىنتىماق­تاستىقتى نىعايتۋ نيەتتەرىن جەتكىزدى.