استانادا KazChess Awards 2025 شاحمات سىيلىعىنىڭ سالتاناتتى ماراپاتتاۋ ءراسىمى ءوتتى. قازاقستان شاحمات فەدەراتسياسى 2024 جىلدىڭ قورىتىندىسى بويىنشا ەلدەگى ۇزدىك شاحماتشىلاردى, جاتتىقتىرۋشىلاردى, تورەشىلەر مەن سەرىكتەستەردى 14 نوميناتسيا بويىنشا ماراپاتتادى, دەپ حابارلايدى Egemen.kz.
بۇل شارا – شاحمات سپورتىن دارىپتەۋگە, ۇزدىك جەتىستىكتەردى تانۋعا جانە بولاشاق چەمپيونداردى ىنتالاندىرۋعا باعىتتالعان ماڭىزدى جوبا.
فەدەراتسيا پرەزيدەنتى تيمۋر تۋرلوۆتىڭ ايتۋىنشا, 2024 جىل – قازاق شاحماتى ءۇشىن تاريحي جىل بولدى. وتانداستارىمىز حالىقارالىق ارەنالاردا جوعارى ناتيجە كورسەتىپ, 160 مەدال جەڭىپ الدى, ونىڭ ىشىندە – 55 التىن, 54 كۇمىس جانە 51 قولا.
ء«بىز قازىر قازاق شاحماتىنىڭ ناعىز گۇلدەنۋ كەزەڭىندە ءومىر ءسۇرىپ جاتىرمىز. بۇل – ەڭبەكتىڭ, تاباندىلىقتىڭ جانە كوماندالىق جۇمىستىڭ جەمىسى. KazChess Awards – بۇل ماراپات قانا ەمەس, شاحماتقا دەگەن قۇرمەتتىڭ, جاڭا چەمپيوندارعا دەگەن سەنىمنىڭ بەلگىسى, دەدى تۋرلوۆ.
ەدگار مامەدوۆ – 14 جاسىندا قازاقستان تاريحىنداعى ەڭ جاس گروسسمەيستەر اتانىپ, ء«ۇمىت» مەدالىمەن ماراپاتتالدى.
ءبيبىسارا اساۋباەۆا – 2025 جىلعى Sharjah Masters سۋپەرتۋرنيرىندە ءۇشىنشى گروسسمەيستەرلىك ءنورماتيۆىن ورىنداپ, «دارا» مەدالىنە يە بولدى
ء«بىزدىڭ قۇراما جاس, بىراق وتە تالانتتى. مەنىڭ جاسىم 21-دە, كوماندانىڭ ەڭ ۇلكەنىمىن. بۇل – بولاشاعى زور شاحماتشىلاردىڭ بۋىنى», دەدى ءبيبىسارا اساۋباەۆا ماراپاتتاۋ راسىمىندە.
سالتاناتتى شارامەن قاتار, 28 مامىردا استاناداعى حالىقارالىق قارجى ورتالىعىندا قازاقستان شاحمات فەدەراتسياسىنىڭ سەزى ءوتتى. وعان ەلىمىزدىڭ بارلىق وڭىرىنەن 50-دەن استام دەلەگات قاتىستى. سەزد بارىسىندا فەدەراتسيانىڭ جارعىسىنا وزگەرىستەر ەنگىزىلىپ, 2024 جىلدىڭ قورىتىندىلارى مەن الداعى دامۋ باعىتتارى تالقىلاندى.
ارايلىم مىرزاحان,
ەۇۋ 2 كۋرس ستۋدەنتى