وبلىستىق پوليتسيا دەپارتامەنتى سوڭعى تاۋلىكتە اقتوبە وبلىسىندا ءۇش جانە بەس جاستاعى بالالاردىڭ كوپ قاباتتى تۇرعىن ءۇيدىڭ جوعارعى قاباتىنان قۇلاپ كەتكەنىن حابارلايدى. وقيعا 27 مامىر كۇنى بولعان. بىرەۋى وبلىس ورتالىعىندا, ەكىنشىسى العا قالاسىندا ورىن الدى, دەپ حابارلايدى Egemen.kz.
سونداي-اق شومىلۋ ماۋسىمى باستالماي جاتىپ, ەكى بالانىڭ سۋعا كەتكەن دەرەگى تىركەلدى. ونىڭ ءبىرى شالقار اۋدانىندا, ەكىنشىسى وبلىس ورتالىعىندا ورىن الدى. شالقار اۋدانىندا رۇقسات ەتىلمەگەن جەردە سۋعا تۇسكەن 15 جاستاعى ءجاسوسپىرىم, اقتوبە قالاسىندا اتا-اناسىمەن ەلەك وزەنى بويىنا دەمالىسقا بارعان بەس جاستاعى ءبۇلدىرشىن ابايسىزدا سۋعا قۇلاپ, ونى اعىس اعىزىپ الىپ كەتكەن.
جاز باستالماي جاتىپ, قايعىلى وقيعالاردىڭ جيىلەۋىنە بايلانىستى توتەنشە جاعدايلار دەپارتامەنتى مەن پوليتسيا باسقارماسى قىزمەتكەرلەرى جازعى كانيكۋل كەزىندە اتا-انالاردان بالالاردىڭ جەكە باس قاۋىپسىزدىگىنە تىكەلەي جاۋاپتى ەكەندىكتەرىن ەسكەرتەدى.
اقتوبە وبلىسى.