2026 جىلى تاراز قالاسىندا «حالىق قاتىساتىن بيۋدجەت» جوباسى اياسىندا 4 جوبا جۇزەگە اسىرىلادى. اتالعان جوبانى ىسكە اسىرۋ ماقساتىندا, قالا تۇرعىندارىنىڭ باستامالارى مەن ۇسىنىستارى نەگىزىندە, قالانى اباتتاندىرۋ مەن دامىتۋعا باعىتتالعان جوبا-وتىنىمدەر تاراز قالاسى اكىمدىگىنىڭ رەسمي سايتىنداعى «حالىق قاتىساتىن بيۋدجەت» ەلەكتروندىق پاراقشاسى ارقىلى قابىلداندى, دەپ حابارلايدى Egemen.kz.
تاراز قالاسى اكىمدىگى ەكونوميكا جانە بيۋدجەتتى جوسپارلاۋ ءبولىمىنىڭ باسشىسى جاندوس ورداباەۆتىڭ ايتۋىنشا, بۇعان دەيىن دە بىرنەشە ماڭىزدى جوبا ىسكە اسقان:
2022 جىلى جەڭىمپاز: تولە بي كوشەسى 11ا جاتاقحانا اۋلاسىنا بالالار ويىن الاڭشاسى, 2023 جىلى جەڭىمپاز: ۇلى دالا 15 مولتەك اۋدانى تۇيتە كانالىن اباتتاندىرۋ, 2024 جىلدىڭ قورتىندىسىمەن جەڭىمپاز راحيموۆ كوشەسى, №50-52 ءۇيدىڭ ماڭىندا بالالار ويىن الاڭىن سالۋ جانە بايزاق باتىرا كوشەسى, № 207ا ءۇيدىڭ ماڭىندا بالالار ويىن الاڭىن قايتا جاڭعىرتۋ قولعا الىنادى, دەدى ول.
ال 2025 جىلعا كەلىپ تۇسكەن 17 جوبا ۇسىنىسى ساراپتامالىق كەڭەستە قارالىپ, تالاپتارعا ساي كەلەتىن جوبالار اشىق ونلاين داۋىس بەرۋ ءۇشىن اكىمدىكتىڭ رەسمي ينتەرنەت-رەسۋرسىنا ورنالاستىرىلعان.
قالا تۇرعىنى اسەت لەسباي بۇل جوبانىڭ تۇرعىندارمەن تىكەلەي بايلانىستى ارتتىرعانىن اتاپ ءوتتى:
– حالىق قاتىساتىن جوبانىڭ ارتىقشىلىعى – كەز كەلگەن ازامات ءوز باستاماسىن ۇسىنا الادى, داۋىس بەرۋ پروتسەسى دە اشىق ءارى قولجەتىمدى. جوبانىڭ عۇمىرى ۇزاق بولىپ, قالامىز ودان ءارى كوركەيە بەرسىن, – دەدى ول.
ساراپتامالىق كەڭەستىڭ قورىتىندىسى جانە تۇرعىنداردىڭ ونلاين داۋىس بەرۋ ناتيجەلەرى نەگىزىندە 2025 جىلى ىسكە اسىرىلاتىن جوبالار تومەندەگىدەي بولىپ بەكىتىلدى:ساراپتامالىق كەڭەستىڭ قورىتىندىسى جانە تۇرعىنداردىڭ ونلاين داۋىس بەرۋ ناتيجەلەرى نەگىزىندە 2025 جىلى ىسكە اسىرىلاتىن جوبالار تومەندەگىدەي بولىپ بەكىتىلدى:
جامبىل داڭعىلى, №16/3 ءۇيدىڭ ماڭىندا بالالار ويىن جانە كوشە ترەناجەر الاڭىن سالۋ; وڭتۇستىك كوشەسىنە فۋتبول الاڭشاسىن ورناتۋ; «اسا» شاعىن اۋدانى, №10 ءۇي الدىنا بالالار ويىن الاڭىن ورناتىپ, اباتتاندىرۋ جۇمىستارىن جۇرگىزۋ; «استانا» شاعىن اۋدانى, №9, 10, 11, 12 جانە 30-ۇيلەردىڭ اۋلالارىنا فۋتبول جانە جاتتىعۋ الاڭدارىن سالۋ.
ارايلىم مىرزاحان, ەۇۋ 2 كۋرس ستۋدەنتى