مەديتسينالىق كومەكتىڭ بىرىڭعاي پاكەتى ەنگىزىلمەك

حالىقارالىق كەلىسىمدەر راتيفيكاتسيالاندى

قازاقستان مەن تۇرىكمەنستان ءوزارا ينۆەستيتسيالاردى قورعاۋ­عا كەلىستى. وسى ماسەلە تۋرالى ماجىلىستە تالقىلانعان زاڭ جوباسىن سىرتقى ىستەر ءمينيسترىنىڭ ورىنباسارى الىبەك قۋانتىروۆ تانىستىردى. جالپى وتىرىس­تا ءماجىلىس قازاقستان ۇكىمەتى مەن تۇرىكمەنستان ۇكىمەتى ارا­سىنداعى ينۆەستيتسيالاردى ءوزارا كوتەرمەلەۋ جانە قورعاۋ تۋرالى كەلىسىمدى راتيفيكاتسيالادى. كەلىسىمنىڭ ماقساتى – ين­ۆەستيتسيالىق قىزمەتكە قولايلى جاعداي جاساۋ, تىكەلەي شەتەلدىك ينۆەستيتسيالار اعىنىن ىنتالاندىرۋ جانە ۋاعدالاسۋشى ەل­دەردىڭ ەكونوميكالىق ءال-اۋقا­تىن جاقسارتۋ. ۋاعدالاسۋشى تاراپتاردىڭ كەز كەلگەنىنىڭ ينۆەستورلارى جۇزەگە اسىرعان ينۆەستيتسيا­لار ءادىل ءارى تەڭ قۇقىلى رەجىم پايدالانا­دى. سونداي-اق ول ەكىنشى تاراپ مەم­لەكەتىنىڭ اۋماعىندا تولىق قورعا­لادى, قاۋىپسىزدىگى قامتاماسىز ەتىلەدى.

سونداي-اق الداعى ۋاقىتتا قىرعىز­ستانمەن وداقتاستىق قارىم-قاتىناس­تى كەڭەيتۋگە مۇمكىندىك بەرەتىن ءتيىستى زاڭ جوباسىن سىرتقى ىستەر ءمينيسترىنىڭ ءبىرىنشى ورىنباسارى اقان راحمەتۋللين تانىستىرىپ, بايان­داما جاسادى. بۇل تۋرالى ەكى ەل اراسىنداعى وداقتاستىق قاتى­ناس­تاردى تەرەڭدەتۋ جانە كەڭەيتۋ تۋرالى شارتتى راتيفيكاتسيالاعان زاڭ جوباسىندا قاراستىرىلعان. كەلىسىم ەكىجاقتى ىنتىماق­تاستىقتى جان-جاقتى دامىتۋعا قوسىم­شا سەرپىن بەرىپ, ىنتىماق­تاستىقتىڭ كەڭ اۋقىمىن قامتي­دى. ونىڭ اياسىندا بىرقاتار ەكىجاقتى كەلىسىمدەر كۇشىنە ەندى. ول ساياسي, ەكونوميكالىق, ترانزيت-كولىك, سۋ-ەنەرگەتيكا جانە اۋىل شارۋاشىلىعى سالا­لارىنداعى, ونىڭ ىشىندە بىر­لەسكەن كاسىپورىندار قۇرۋ ارقىلى ازىق-ت ۇلىك قاۋىپسىزدىگىن قامتاماسىز ەتۋدى, سونداي-اق ەكى ەلدىڭ رۋحاني جانە مادەني جاقىندىعىن نىعايتۋ ارقىلى ىنتىماقتاستىقتى دامىتۋدى كوزدەيدى.

ءماجىلىس يننوۆاتسيالىق قىز­مەت سالاسىن مەملەكەتتىك قول­داۋ جۇيەسىن جەتىلدىرۋ ماسەلەسى توڭىرەگىندەگى زاڭ جوباسىن وسى وتىرىستا ەكىنشى وقىلىمدا قابىلدادى. زاڭ جوباسىن تانىس­تىرعان ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى ايتۋار قوشمامبەتوۆ مەملەكەتتىك قولداۋ قۇرال­دارىن وڭتايلاندىرۋ ءۇشىن يننوۆاتسيالىق تەحنولوگيا­لار پاركى مەن «Astana Hub» بىرىكتى­رىلەتىنىن مالىمدەدى.

تۇزەتۋلەر ءبىرتۇتاس يننوۆا­تسيالىق كلاستەر قۇرۋ جانە ونىڭ قاتىسۋشىلارىن قولداۋدى كەڭەيتۋ ارقىلى يننوۆاتسيالىق قىزمەت جاعدايىن جاقسارتۋعا ارنالعان.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە يننوۆاتسيالىق قىزمەت سالاسىن مەملەكەتتىك قولداۋ جۇيەسىن جەتىلدىرۋ ماسەلەلەرى بويىنشا وز­گەرىستەر مەن تولىقتىرۋلار ەن­گىزۋ تۋرالى» زاڭ جوباسى بىرىڭ­عاي يننوۆاتسيالىق كلاستەر قۇرۋ جانە وعان قاتىسۋشىلار ءۇشىن قولداۋ­دى كەڭەيتۋ ارقىلى يننوۆا­تسيا­لىق قىزمەتكە جاعدايلاردى جاق­سار­تۋ ماقساتىندا ازىرلەن­دى», دەدى ءماجىلىس دەپۋتاتى ا.قوشمامبەتوۆ.

ءمامس جۇيەسىنە وزگەرىس ەنگىزىلدى

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە مىندەتتى الەۋمەتتىك مەديتسينالىق ساقتاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن الەۋمەتتىك-مادەني دامۋ كومي­تەتىنىڭ مۇشەسى گۇلدارا نۇرىم تانىستىردى.

ونىڭ ايتۋىنشا, ەندى ەلىمىزدە مەديتسينالىق كومەكتىڭ بىرىڭعاي پاكەتى ەنگىزىلمەك. ءماجىلىس وسى ماسەلەگە, ياعني مىندەتتى الەۋمەتتىك مەديتسينالىق ساقتاندىرۋ جانە مەديتسينالىق قىزمەت كورسەتۋ ماسەلەلەرىنە قاتىستى زاڭدى ەكىنشى وقى­لىمدا قابىلدادى. مەملەكەت باس­شى­سىنىڭ 2024 جىلعى 2 قىركۇيەكتەگى جولداۋىن ىسكە اسىرۋ ماقساتىمەن ۇكىمەت ازىرلەگەن بۇل قۇجات مىندەتتى مەدي­تسينالىق ساقتاندىرۋ سالا­سىنداعى مەملەكەتتىك قىز­مەت­تىڭ قۇقىقتىق جانە ۇيىمداس­تىرۋ­شىلىق نەگىزدەرىن جەتىل­دىرۋگە باعىتتالعان.

زاڭ تەگىن مەديتسينالىق كومەك­تىڭ كەپىلدىك بەرىلگەن كولەمى اياسىندا جانە مىندەتتى مەدي­تسينالىق ساقتاندىرۋ جۇيەسىندە كور­سەتىلەتىن مەديتسينالىق قىز­مەت تۇرلەرىن اجىراتا وتىرىپ, مەديتسينالىق كومەكتىڭ بىرىڭعاي پاكەتىن قۇرۋدى ۇسىنادى.

دەپۋتات گ.نۇرىم مەديتسي­نالىق قىزمەت كورسەتۋ سالاسىن­داعى باقىلاۋدى كۇشەيتۋ جانە قاداعا­لاۋ­دى ەنگىزۋ بويىنشا ۇسىنىلعان نورمالار قىزۋ تالقىلانعانىن اتاپ ءوتتى.

– دەپۋتاتتار دەنساۋلىق ساقتاۋ سالا­سىنداعى ۋاكىلەتتى ورگانعا انىق­تالعان بۇزۋشىلىقتارعا جەدەل دەن قويۋ شارالارىن قولدانۋ قۇقى­عىمەن قاداعالاۋ فۋنكتسيا­سىن بەرۋ ۇسى­نىسىن ەنگىزدى. ۇكى­مەتتىڭ قورى­تىن­دىسىنا سايكەس, ءتيىستى ليتسەنزيا نەمەسە سەرتيفيكات بولماعان جاعدايدا قادا­عالاۋدى ەنگىزۋ جونىندەگى تۇزەتۋلەر قابىلداندى, – دەدى گۇلدارا نۇرىم.

دەسە دە زاڭ جوباسىن تال­قىلاۋ بارىسىندا كەيبىر ۇسى­نىس قولداۋ تاپپادى. سونداي-اق مەديتسينالىق ۇيىمدار ءمامس جۇيەسىندەگى قار­ا­جاتتىڭ جۇمسالۋى تۋرالى اقپاراتتى جاريالاۋعا مىن­دەتتەلدى. تۇزەتۋ­لەرمەن جۇمىس بارىسىندا دەپۋتاتتار مىندەتتى الەۋمەتتىك مەدي­تسينالىق ساق­تان­دىرۋ جۇيەسىندە جارنالاردى ۇزدىكسىز تولەپ كەلگەن تۇلعالاردىڭ جارنا تولەۋدى توقتاتقان ساتتەن باستاپ التى ايعا دەيىن مەديتسينالىق كومەك الۋ قۇقىعىن ساقتاۋدى ۇسىندى.

ءوڭىر حالقىنىڭ وزەكتى ماسەلەلەرىن جەتكىزدى

«Amanat» پارتياسى فراك­تسيا­سىنىڭ مۇشەسى ۇلىقبەك تۇماشينوۆ پرەمەر-مينيستر ولجاس بەكتەنوۆكە جولداعان ساۋالىندا ەلدى مەكەندەردى گازبەن قام­تاماسىز ەتۋ ماسەلەلەرىن كوتەر­دى. دەپۋتات شىعىس قازاقستان­دا قىس مەزگىلى التى جارىم ايعا دەيىن سوزىلاتىن ايتىپ, ءوڭىر تۇرعىندارىنىڭ «گازداندىرۋ ماسەلەسى قاشان شەشىلەدى؟» دەگەن باستى سۇراعىن جەتكىزدى.

– بۇل سۇراقتىڭ وزەكتىلىگى – كەيىن­گى جىلدارى كومىر باعاسىنىڭ شارىقتاۋىمەن جانە ونىڭ ساپا­سىنىڭ سىن كوتەرمەۋىمەن بايلانىستى. اۋىلدىق جەرلەر­دە كومىر باعاسى 30 مىڭ تەڭگەگە دەيىن جەتتى, ال ونىڭ ساپاسى تۇرعىن­داردى الاڭداتىپ وتىر, – دەدى ۇ.تۇماشينوۆ.

اسىرەسە شىعىس قازاقستاننىڭ شەكارا ماڭىنداعى اۋداندارىن گازبەن قامتۋ اسا وزەكتى بولىپ وتىرعانىن اتاپ ءوتتى.

– گاز كەنىشىنىڭ ۇستىندە وتىرىپ, كوگىلدىر وتىنعا قول جەتكىزە الماۋ – زايسان حالقى ءۇشىن تۇسى­نىكسىز ءارى ادىلەتسىز جاعداي. گاز كەنىشىنىڭ ۇستىندە ورنالاسقان زايسان ازاماتتارىنىڭ اشۋ-ىزاسىن, مۇڭ-مۇقتاجىن ەستۋ وتە قيىن, – دەگەن دەپۋتات مۇنداعى گاز قورىنىڭ ازايىپ كەلە جاتقانىن ايتىپ, ۇكىمەتكە حالىقتى گازبەن قامتۋدىڭ بالاما جولدارىن ويلاستىرۋ كەرەكتىگىن ۇسىندى.

سونداي-اق دەپۋتات ۇلاسبەك سادىبەكوۆ ساۋالىن پرەمەر-مينيستر ولجاس بەكتەنوۆكە باعىتتاپ, تۇركىستان وبلىسىنداعى شا­رۋالاردىڭ قۋاڭشىلىق قىس­پاعىندا قالعانىن ايتىپ, شى­بىن-شىركەيلەردىڭ دە ەلدى ابدەن ابى­گەرگە سالىپ جاتقانىن جەتكىزدى.

– كەيىنگى جىلدارى ءوڭىر حالقىن, اسىرەسە ديقاندار مەن شارۋالاردى الاڭداتقان وزەك­تى ماسەلەلەر كوبەيىپ بارادى. اتاپ ايتار بولسام, بيىل شار­ۋالار بۇرىن-سوڭدى بولماعان قۋاڭشىلىقتىڭ قىسپاعىندا قالدى. جايىلىمنىڭ قۋراۋى, مال ازىعىنىڭ تاپشىلىعى, ەگىن القاپتارىنىڭ كۇيىپ كەتۋى ەل تۇرعىندارىنىڭ الەۋمەتتىك-ەكو­نوميكالىق جاعدايىن قيىن­داتىپ جىبەردى, – دەگەن دەپۋتات قۋاڭشىلىق سالدارىنان شارۋالار ءداندى جانە مايلى داقىلداردان جوس­پارلانعان ءونىمدى الا الماۋى مۇمكىن ەكەنىن دە ەسكەرتتى.

وسىلايشا, ۇكىمەت باسشىسىنا قۋاڭشىلىقتان زارداپ شەككەن اۋدانداردا توتەنشە جاعداي رەجىمىن جاريالاۋ مۇمكىندىگىن قاراستىرۋدى جانە قۋاڭشىلىق زارداپتارىن ەڭسەرۋگە باعىت­تالعان ارنايى وڭىرلىك باعدارلاما قابىلداپ, ونىڭ اياسىندا عىلىمي نەگىزدەلگەن اگروەكولوگيالىق شەشىمدەردى جۇزەگە اسىرۋدى ۇسىندى.

سونىمەن قاتار اسا قاۋىپتى زياندى ورگانيزمدەرگە قارسى كۇرەس شارالارىن جەدەل ءارى ءتيىمدى جۇزەگە اسىرۋ ءۇشىن وڭدەۋگە جاتاتىن بارلىق جەر كولەمىن رەسپۋبليكالىق بيۋدجەتتەن 100% قارجىلاندىرۋ ماسەلەسىن كوتەردى.