مادەنيەت جانە اقپارات مينيسترلىگىنىڭ دەرەگىنشە, جۇمىس ىستەيتىن جاستارعا ارنالعان جالعا بەرىلەتىن تۇرعىن ءۇي باعدارلاماسى قاتىسۋشىلارىنىڭ 81%-ى جەڭىلدەتىلگەن يپوتەكاعا ءوتىنىش بەرگەن.
مەملەكەت جالدامالى تۇرعىن ءۇي باعدارلاما قاتىسۋشىلارىنا ءتيىمدى بالاما ۇسىنىپ وتىر – 17 وڭىردە «وتباسى بانكىمەن» بىرلەسىپ جاستارعا ارنالعان جەڭىلدەتىلگەن يپوتەكالىق باعدارلاما ىسكە قوسىلدى.
باستاپقى جارنا – تۇرعىن ءۇي قۇنىنىڭ 10-20%-ىن, جىلدىق مولشەرلەمە وڭىرگە بايلانىستى 5-9%-دى قۇرايدى.
بۇگىنگى تاڭدا «وتباسى بانك» اق فيليالدارىنا 2026 ادام جۇگىندى. بۇل – جالدامالى تۇرعىن ءۇي باعدارلاماسىنا قاتىسۋشىلار جالپى سانىنىڭ 81%-ى. ناتيجەسىندە, 647 ادامعا نەسيە بەرىلگەن. قازىر 321 ادام باسپانا ىزدەپ جاتىر. قالعان قاتىسۋشىلاردىڭ دا تولەم قابىلەتتىلىگى انىقتالماق.