ماڭعىستاۋدا ۇلەسكەرلەر قۇرىلىس كومپانياسىنا الدانىپ قالعان

قىلمىستىق ءىستى ماڭعىستاۋ وبلىسى بويىنشا قما دەپارتامەنتى جۇرگىزگەن. تەرگەۋ بارىسىندا بەلگىلى بولعانداي, «ينتەرەرستروياكتاۋ» جشس باسشىلارى قۇرىلىس جۇرگىزۋگە ليتسەنزياسى, رۇقساتى مەن جوبالىق-سمەتالىق قۇجاتتاماسى بولماعانىنا قاراماستان, ۇلەستىك قاتىسۋ نەگىزىندە 590 شارت جاساسقان.

سونىڭ ناتيجەسىندە ۇلەسكەرلەردەن زاڭسىز تۇردە 5,5 ميلليارد تەڭگەدەن استام قاراجات تارتىلعان. قۇرىلىس جۇمىستارى تالاپقا ساي جۇرگىزىلمەگەن ءارى مەرزىمىندە اياقتالماعان.

«1,9 ملرد تەڭگە كولەمىندەگى قاراجاتتى جالعان قۇرىلىس اكتىلەرى ارقىلى قولما-قول اقشا رەتىندە كاسسادان شىعارىپ, كومپانيا باسشىلىعى قالتاسىنا باسقان. تەرگەۋ بارىسىندا 5 جەر تەلىمى مەن 47 اۆتوكولىككە تىيىم سالىندى. سوت ۇكىمىمەن كومپانيا باسشىلارى 3,5 جىلدان 6,5 جىلعا دەيىن باس بوستاندىعىنان ايىرىلدى», دەلىنگەن حابارلامادا.

سونداي-اق, 1,1 ميلليارد تەڭگە كولەمىندەگى م ۇلىك زارداپ شەككەن ازاماتتاردىڭ ازاماتتىق تالاپ-ارىزدارىن وتەۋ ءۇشىن مەملەكەت پايداسىنا تاركىلەنگەن.

ايتا كەتەيىك, بۇعان دەيىن قما الماتى وبلىسى بويىنشا دەپارتامەنتى قاسكەلەڭ قالاسىنداعى كوپقاباتتى تۇرعىن ۇيلەر قۇرىلىسىنا قاتىستى اسا ءىرى كولەمدەگى الاياقتىق دەرەگى بويىنشا تەرگەۋدى اياقتاعان بولاتىن.